ياعالم وش قصتكم انتوا علي ،، الرجال ما يوسي كذا والرجال ما يقول كذا !!!!!!!!!!!!
وش السالفة ؟؟؟
ياعالم ما ينتقص رجولة الرجال هو الأعمال المشينه اللي تعرف بالفطرة انها لا تمت للرجولة بصلة مثل الدياثة والشذوذ وغيرها من الأشياء الكبار
أما حاجات بسيطة وغلط في تعبير أو حتى أي إهانة انا غلطت وتسببت لها فيها،، فمالها أي دخل بالرجولة ولا استحق كلمة مو رجال عشان حاجات تافهه ،، يمكن ما تكون تافهه عند معشر النساء لكن الجزاء من جنس العمل يعني المفروض انها ردت علي زي ما انا تكلمت مو تخلي السالفة اللي بيننا وتروح لمبدأ الرجولة

يالغالية انتي وياها انتوا ما تعرفون شعور الرجل في الكلمة هذي عشان كذا تتساهلونها ،، تخيلي أقول لك انتي منتي انسانه ولا تمتين للانسانية بصلة عشان بس انتي لعنتي ولا غلطتي علي ،، هل تتوقعين ان حكمي عليك في محله ؟؟
ام تشوفين اني بالغت ؟؟

وبعدين انا ما احملها مسؤولية علم الغيب بس هي زوجتي وهي تعرفني يعني المفروض تعرف ان كلامي من رفعة ضغط مو من كراهية " الله بالعين ماشفناه بس بالعقل عرفناه "

وبعدين انا مانظرت لأغلاطها وتركت اغلاطي لأن لي 20 يوم وانا اتأسف واعتذر وارسل راسائل وسائط ونصية وعلى الايميل وما خليت طريقة الا ماحاولت اني اثبت بها حبي لها وتمسكي فيها وهي لا تتغلى وتثقل وتسمع كلام اخواتها وتطنش ولا تحط شروط بعد علي ،، تقول عشان ارجع لازم اهلي واهلك يتصالحون لأن بينهم مشاكل بسيطة ما تحمل الكلام اصلا
بس هي الظاهر تبي العذر

أسألكم بالله فيه وحده تبي زوجها وتحبه وبنفس الوقت تتشرط عليه وتقوله انا ما اضمن نفسي معاك في المستقبل شكلك بتطلقني بعد كم سنة او بتتزوج علي او مدري ايش؟؟ وكأنها هي اللي تعلم الغيب ؟؟

اعذروني يا أعضاء انا ما ابي موضوعي يتحول لنقاش بيني وبينكم وانتوا ما قصرتوا نصحتوا وشاركتوا بس بعض الاخوات الله يهديهم الظاهر انها تأخذهم الحمية مع بنات جنسهم ،، وتتكلم على انها ما تشوف امامها الا ان الرجل دائما هو الغلطان ولا تنظر نهائيا الى تبريراته او مشاعره وكأنه انسان بلا مشاعر