بسم الله الرحمن الرحيم
انا عندي مشكله واتمنى من الله الاقي الحل عندكم
انا كنت مزوجه على واحد ظالم وقاسي مرره وكانت حياتنا مشاكل على
طول وياريت على شي يستاهل على اشياء تافهه كانت حياتي معاه لا تطاق
من ضرب وسب واهانات كان كل يوم مشاكل ودايم يطلقني عندي بنت وولدين
واحد عايش معايا والبنت ولاالولد الاخير عايشين عند اهله يعني اخذوهم
مني بالقوه بقي عندي ولدي الثاني اللي بعد البنت لانها هي البكريه
المهم من كثر المشاكل ومن كثر مايطلقني خلاص تعبت ورحت المحكمه
وكلمت القاضي وقلتله ياقاضي زوجي دايم يطلقني وانا عايشه عنده
بالحرام المهم حكملي القاضي بورقتي واعطني ورقة طلاقي واحمدالله واشكر
فضله المهم مشكلتي ولدي متعلق فيني ودايم يسال ابوه عني ابوه يقوله
هو وامه اللي هي ام زوجي يقولو لولدي ماما ماتت ماما معدها جايه
ماما ماتحبك رمتك وولدي مسكين يقولهم بس انا احب ماما وماما تحبني
ليش ماتجي يابابا والله ياخواتي قلبي يتقطع عليه كل يوم ابكي وانا
من بعد العده على طول الحمدلله تزوجت واحد من جماعتنا والحمدلله
طيب وحنون ويحبني الله يسخره ليا ويعوضني خير فيه المهم ياجماعة الخير
ولدي اللي مجنني المشكله طليقي مايبغاني اشوفه ولا اكلمه ولا اسمع صوته
ايش اسوي ساعدوني يعني مو من حقي اشوف ولدي ارجوكم انصحوني ايش
اسوي بموت قهر على ولدي نفسي اشوفه حتى لو من بعيد حسبي الله على
من ظلمني يقولي طليقي انا ابغاه ينساكي خلاص هو ماعنده ام انتي
بنسبه له ميته حرام عليه ليش الظلم هذا مافي خوف من الله الله ينتقم منه
ويحرمه الجنه وريحتها
زي ماحرمني ولدي الله يحرمه برهم الله يحرم كل رجال
يحرم ام من اولادهاقولو امــــــــــــين ارجوكم ساعدوني ولو بدعاء
والله نفسيتي تعبانه مره كل مااشوف طفل اتذكر ولدي
ساعدوني ايش تنصحوني وجزاكم الله خير اختكم المحرومه من ولدها.