عضو الهيئة الطبيبة -طبيبة تشخيص مخبري
تاريخ التسجيل: Jan 2010
المشاركات: 621
أنا برايي يا أخي .. بما أنك كنت تحب زوجتك قبل 7 شهور متل ما قال الأخ المتهندم هذا دليل انك بتحبها
أما البرود فلا بد أن يكون له سبب
الحب ما بيجي لحاله يعني كتير في مقومات للحب بتزيده و بتكبره
المعاملة الحسنة مثلا كتير الها دور كبير
الاهتمام المتبادل ، لما مثلا تسافر، هيه المفروض تضل على اتصال فيك و انت كمان، تضل تتصل فيها كل يوم على الأقل مرة ما تقطعوا بعض .. لأنو البعد جفا !!
و بجوز لأنها بهالفترة حامل .. ممكن هيه بعدت عنك شوي (اضطراب هرمونات بيعمل عصبية و مزاج.. الخ) فأنت بعدت أكتر
و انت متل ما قال الأخ لما حكيت مع غيرها ، زدت الطين بلة متل ما بقولوا ..!!!
يعني مستحيل ترجع لزوجتك بالحب الي كان طالما بنيت علاقة مع وحدة تانية
و دايما العلاقات الجديدة بتكون حلوة و قمة الرومنسية و خالية من كل مشاكل الحياة
بس تخيل انك تكمل مع هي البنت الي تعرفت عليها و توصل للزواج
و ترجع تكتشف مشاكل أخرى بالجديدة و أشيا ما تعجبك .. و تنفر .. طيب و بعدين ؟ كل كم سنة منغير الزوجة مثلاً؟
بعدين و الله حرام يعني فترة 4 سنين ما بتخلي واحد يلحق يمل !!
يعني لو قلت مثلا كم شهر أو سنة وحدة كان ممكن قلك انو هدا بيعني انو ما حبيتوا بعض بعد الزواج و ما رح تقدروا تستمروا
أو لو قلت انو صرلكن 10 - 20 سنة متزوجين بقلك ممكن تمل من الروتين
بس 4 سنين يعني مافي أي حجة الك
بنصحك تستعين بالدعاااااء ثم الدعاااء لله عز و جل
ربنا مستحيل يخيب عبده الذي لجأ إليه !!
و تستخير دايماً .. تصلي صلاة الاستخارة
و تراجع نفسك
انت أكتر واحد بيعرف شو في جواتك