بنات أنا رحت للدكتورة أمس وكل ما أحاول أدخل مقدرش من تعب نفسيتى ولكن استعنت بالله الان وذكرت نفسى بالله وبالرضا بقدر الله وقلت أطمنكم

الدكتورة قالت لى عندى تكيسات فى المبيض اليمين كثير شويه واليسار قليل ولكن فيه ايضا وبطانة الرحم رقيقة يعنى حتى الدورة لو جت هتكون خفيفة ده كلامها

سألتها عن علاقة الجلكوفاج بالتكيسات قالت طبعا له تأثير كبير باذن الله فقلت لها انى بقالى اربع شهور باخده ووقفته بعد انتهاء اخر دورة فقالت لى احتمال كبير هو الى كان منظم لك الدورة وكانت بتنزل فى معادها ولما وقفتيه رجعت التكيسات تزيد ولخبطتها زيادة على كدا ان هرمون الحليب اكيب نسبته عالية لانه بيخرج من صدرى نقط فده كمان سبب وفضلت تعطينى امل ان امرى سهل والتكيسات كانت راحت بالجلوكوفاج بس طبعا بعد فضل الله وتقديره وقالت لى اخده تانى

رجعت من عندها واخدته لحد دلوقت اخدت 3 حبات ولقيت الدورة نزلت الان والاعراض الى كانت عندى هدأت كتير الحمد لله بعد نزولها حتى اعصابى ارتاحت

والحمد لله انا راضية بقضاء الله وبنتى لسه ما كملت سنة وان شاء الله اتعالج بالاعشاب والحجامة زى ما عملت فى حملى ببنتى وربنا كريم اوى والله هيكرمنا كلنا ان شاء الله

اعذرونى كلامى ملخبط ومختصر ان شاء الله اتواصل معاكم تانى ونعين بعض لحد ما ربنا يرزقنا كلنا اللهم امين

دعواتكم