السلام عليكم ورحمة الله وبراكته
من زمان كان ودي اسجل في المنتدى الرائع واحكي مشكلتي بعد ما خلاص وصلت حدي
مشكلتي مع اختي اللي شوية وكانت رح ادمرني وشكلها مستمرة في محاولت تدميري والله وربي إني ما ابالغ واكتب الموضوع ودموعي تنزل.انا عمري 22 سنة انسة وغير موظفة و هي اكبر عني بتسع سنوات ومتزوجة وموظفة وام عيال يعني فرق كبير في السن بس احس ان تصرفاتها اصغر من عمرها. هي تحاول تستفزني في كل صغيرة وكبيرة وما ابي اتبلى عليعا بس تصرفتها ادل انها تغار مني بديت الاحظ وامي هاذا الشي من كان عمري 15 سنه تغار مني وتحاول تقلب الامور علي ان نا اللي اغار منها ومن زوجها و من عيالها ومن شغلها اذكر لما كنت بالجامعة كنت قايمة من النوم ودخلت الصالة لما امي شافتني قالت ما شاء الله منورة والبجاما عليك حلوة بعد عشر دقايق ما اذكر شو طابت مني ورديت عادي اني ما اقدر قامت وندت علي ومسكتني من البجاما وشقتها علي، وباي طريقة تقلل من شاني ومن تخصصي مع اني روحي ما كنت ابي اكمل بسببها بس امي كانت مصرة اكمل ادارة تقولي بدون اي مناسبة انة تخصصي خايس واني ما بحصل وظيفة واني مب مالدراسة واني احسن اجلس في البيت ولما كان عمري 17 سنة كانت تقول حق امي وابوي اشيا مو زينة اسويها واني بنت صايعة لحد شوس شوي ما امي صدقت حتي اخواني يشكون فيني واختي وامي لما اي شي سخيف خناقة صغيرة تعايرني وتسبني بتبين اني بنت شوراع والله تعبت نفسيتي منها ومن تدخلها في كل صغيرة وكبيرة كانها تنتقم مني اذكر مرة استفزتني وجلست توصفني بالقاب بنات الشوراع يستحقونها مو انا نا قدرت اتمالك نفسي ورديت عليها باللي هي تخاف حد ينتبه لي وما بذكرة والله ان مسكتني ومسحت فيني الارض راحت يا بت سكينه من المطبخ تبي تذبحني فيها اهلي دخلوني الغرفة وقفلو علي الباب وتمت واقفه عند الباب و تقول بشوهك وزوجها واهلي يحاولون معها عشان تهدني لين الفجرز ومن هذا اليوم طعن فيني وانا ساكته اخاف ارد عليها. الحين بفضل الله خلصت الجامعة من كمن يوم تخرجت وحطوني على التلفزويون وانا فرحانة بتخرجي و تنتقد شكلي وتدعي لو اني طحت لما استلمت شهادي وامبارحة يالسه تدعي علي ان الله يبيليني بواحد يضربني قولولي هاذي اخت ما اظن ما عارف شو فيها غيرة ولا حسد ولا ماتحب الخير حق حد. اعذروني طولت عليكم بس كنت ابي حد يحس فيني و يدورلي حل