أحياناً الزوجة تحب أن تجس نبض زوجها .. و خصوصاً في مثل هذه الامور .. أنا أفعل ذلك كثيراً .. و عندما يجيبني زوجي بإجابات لا أريدها أبدأ بالعصبية و الغضب و أزعل عليه .. و أبتعد تماماً عن الواقعية ..
في إحدى المرات قمت بنفس ما قمتِ به تماماً يا أختي .. و كنت اتوقع أن يقول لي زوجي : ( لا ياحبيبتي .. ما أبغي احد غيرك ..) لكنه قال عكس ما توقعت تماماً .. قال لي : ( و إشفيها إذا تزوجت عليج ؟؟ ) .. طبعاً بغيت أمووووت من القهر و عصبت عليييه .. على الرغم من أني أنا اللي فتحت معاه الموضوع .. ..

في الواقع كان هو يمزح معاي ..

لكني حطيت روحي في الأمر الواقع .. و قلت .. هذا أمر طبيعي .. و هو في الأساس سابق لأوانه جداً .. و إتخذت عهد مع نفسي إني ما أحاول أجيب طاري هذا الموضوع منرة ثانية و أعيش حياتي طبيعية .. و اللي الله كاتبه بيصير إن شاء الله ..

الله يرزقك و يرزقني إن شاء الله الذرية الصالحة .. و يخليلك زوجك حقك إنتِ بس ..
و نصيحتي لكِ ..
لا تعطين الأمور أكبر من حجمها .. و خلك طبيعية جداًَ ... و الله يكون في العون ..

بالتوفيق ..

سميدعة ..

__________________