أخي عبد العزيز

سويت هذا كله و جبت الورقة و القلم ....
و حطيت لحظاتي الحلوه كلها معه ... و حطيت في الأعتبار كلمة أحبك كم مره قالها لي و متى
إن جيت للحق ما في لحظه حلوة كاملة ... لابد من شائبة تشوبها .. حتى لما كان يهديني بعدها بكم يوم يتمنن علي باللي يجيبه .. من جد هذي الأمور تافهة

أخي .. أنا أحتجت إن أحد يقول لي كلمة تطلقي و أوعي ترجعي له ألحين .. لأن هذا اللي لازم يصير
أنا جالسه أخدع نفسي بنفسي و جالسه أرسم أمل مو موجود .. ومو قادره أصارح حالي و أتقبل الواقع .. بأن أبو عيالي واحد ما يخاف ربه ..
قعدت أحط له مبررات لتصرفاته بكل ماأستطيع بالذات قدام أبوي .. شي بداخلي غصب عني هو اللي يسوي كذا أنا نفسي صارت مريضة

أنا حياتي معادلة صعبة أنا وهو مستحيل تجي بيننا كلمة تفاهم
وعمرها الحياة ما كانت كذا ...

أنا كثر ما قبلت بالطلاق كـحل و إختصار للمآسي مو قادره أقبل إني أنهي الموضوع




بجاوبك على سوآلك أخي

يعني لو كانت حياتك راح تكون أفضل بالإنفصال سواءاً لك أو لأطفالك فأنفصلي ، ولكن لازم قبل كذا تقارني حالك قبل وبعد الإنفصال من جميع النواحي ، وقدري الإيجابيات والسلبيات لك ولأطفالك ولأهلك ولمجتمعك من ناحية التعامل والنظرات وكل شئ
يعني هل أنت متقبلة بما راح يصير بعد الإنفصال وعلى قدر كبير من التحمل وعدم التذبذب والتردد أو لا ؟


أكيد حياتي بتكون أفضل أكيد لكن لطفلي الكبير لا لأنه روحه بأبوه و أنا أحاول أحط حل لموضوع أبني ..أما أهلي و ناسي اللي عرف بموضوع طلاقي مالاموني أبدا وهم أبدا ما يعرفو وش اللي صاير بيني و بينه لكن يعرفو عن سوء خلقه مع الصغير و الكبير ... و الإيجابيات ماراح تكون أكثر من السلبيات مطلقة في مجتمع تحكمه عاداته و تقاليده و لكن الإيجابيات راح يكون هذا الحد للعذاب النفسي و الجسدي اللي سببه لي شبيه الرجال ..

أنا جدا متقبلة اللي رايح يصير و عندي تحمل إن شاء الله أما ترددي و تذبذبي جايين من تعلقي بأمل مستحيل....






ما قصرت أخي ..

__________________
(أمن يجيب المضطر إذا دعاه و يكشف السوء)