بنقلج ردي لوحده في منتدى ثاني تعاني من اللي تعانين منه انتي،،
يختي عيشي حياتج بطولها وعرضها برا بحرا جوا قد ماتقدرين قبل ماييج االريل
انتي عايشه في زمانج مب زمان امج ويداتج
الحين عادي الوحده توصل الثلاثين وتتخطاه وبعدها مانخطبت حتى
قريب اكمل الـ 29 وبعدني عزااابيه والحمدلله
وكل خططي المستقبليه مااشوف فيها زوج <-- لاحقه عالعُقد والاتباطات والمسؤوليات بإذن الله
وفي حال دخل مستقبلنا بحاول اضبطه مع هالخطط <-- مصدقه روحها لوول
يختي استغرب من اللي تحكر حياتها بالزواج بس وتوقف الزمن على عمر معين وان تخطته كنه حياتها انتهت!
نو نو نو
ليش هالنظره التشاؤميه!
عيشي يووومج استمتعي به كثر ماتقدرين
خلي ثقتج بنفسج كبيره
وعطي وقتج وتفكيرج وكل اللي عندج للي حولج وعايش معاج
ربج هلج ربيعاتج يهالكم اي حد حووولج لو شغالااتكم حتى
عيشي حلو حياتج ومرها معاهم
مو مع اللي بعده ماياااج
انتي للحين مانخطبتي لانه ربنا كتب لج هالشي
وتأكدي وثقي انه ربنا له حكمته فهالتأخير
واكيد اكيد انه هذا هو الاحسن والاخير لج ولي ولكل وحده تأخر زواجها "لو اني مااشوفه متأخر علي" لوول
القلق اللي انتي فيه بسبب شي واحد
انج مب مقتنعه ولا راضيه بحكم ربنا باللي انتي فيه
حاولي ترضين وبتلقين انه هاللي انتي شايفته هم لا هوو هم ولا هو شي كبير
لا توقف حياتج بسبب شي مادخلها