آمين يادودي آآآآآآآآآآآآآآآآآمــــــــــــــــــيـــــــــــــ ــــــــــــــــــــــــــــن يا حبيبتي يادودي....
آميين يا قلبي يادودي...
أقسم بالله حاسة بك.....و والله عارفه بإيش تحسي ...
لأني ذقت المرارة الي تذوقيها من الخيانة من أعز الناس ولو بالاحساس .....
انتي وصفتي حاجه ما قدرة اوصفها ..ياقلبي...
انتي قلتي حاجه حيرتني ...ابغى اوصفها عجزت...
هما بتصرفهم بالسكوووووت يخلوكي تتصرفي تصرف رد فعل لتصرفاتهم المتراكمة وف الاخير يقولوا ببساطة ..:اشبها هيي كذااا.........!!!!!!!!!!
طبا احنا الغلطانين ....ابدأّّّّّ مو هما ....!!
ياقلبي بعيد الشر عنك ...ألله يطول بعمرك بطاعته ويبلغك اولادك وبناتك وتشيليهم وهما بمرضهم النفسي وعقدهم يدوروا على بطل جديد يفرغوا فيه النقص الي عندهم ...!!
حبيبتي حاولي انك تبطلي الطيبه الزايدة هذي لا تنتظري من احد يحن عليكي غير امك الي خلفتك واخواتك بس!!!!
ابدا لا تتوقعي يقولوا ياحرام خلينا نساعدها وخلنا نقول لها عشان تحمل ...
ابدا ...
الناس ماتفكر كذا في العالم هذا مافي يامه ارحميني ...!!
الناس تفكر ...داري على شمعتك تقيد...واكيد انتي مكاويه زيي وفاهم المثل ذا..!!!
فعشان ترتاحي لا تنتظري منهم شيء ....كذا حتحسي براحة لما يجي منهم تصرف باايخ ومو قد العشرة ...
انا قبل لا احمل بولدي ....جارتي كانت معايا متزوجه بيني وبينها شهر ...كنا نقول لبعض اخذت كلوميد ودبرجين وتقولي ايش سوت ..ووضحت لها وقلت انو زوجي يتعالج ايش اكثر من كذا ...وفي الاخير لما حملت ..سألتها راجعتي عملتي شيء دليني عشان اسوي زيك ...
بكل برود قالت لا حملت طبييييييعييييي ...عرفت انو مافي احد يحبكلك الخير زي امك يادودي وبطلت اسأل وصرت كتوووومة ..
هذا بالنسبه للأقارب البعدين ..
اما بالنسبه لأهل الزوج 
حبيبتي خليكي بعيدة عنهم عشان ما يستلذوا بتفريغ عقدة النقص الي عندهم ....
بالذات السلايف ..صدقيني هي مستمتعه بالي تسويه فإنتي لما تيجي وتجلسي تنتظريها تعيد التصرف مع كل حمل ... تعطيها فرصه ع طبق من ذهب ...فإنتي خليكي ولا كأنك شايفه ...ولا تسألي كم شهر ...ولا فين حتولدي...ولا اشبك ولا شيء...
خليكي كأنك مو شايفتها ..طنننننننننننننشششششششششششششيها ...عشان تحس انو الي بتسويه هذا يدل ع غبائها ...ويرجع عليها هي وتحس هي بغلطها هيا مو تستمتع بحرق اعصابك ...لا احرقيلها اعصابها وببرود ....
تعرفي انا سلفتي لما كانت حامل طبعا ما عرفت الا في الخامس ولما اتقابلنا وهي في البداية الثامن تعرفي اش سويت ..جلست وحطت مخدة ع بطنها طيب بالله المكان يكفي كرشه مبيرة ومخدة تتكي عليها ..اصلا هي مضايقه من المخدة ..بس لا اشوف بطنهها مزبوط ولما كنت اسألها عن حملها تقولي مو عارفه هي ياحرام في اي شهر معقول كل حمل ماتعرف هي في اي شهر ...
استهباااااااااااااااااااااال
بطلت اسأل بطلت اتكلم ...بطلت اي شيء ..اعتبرها جماد من الجمادات ....الي حواليني ...
وادعي وادعي وادعيييييييييييي ربنا كريييييييييم والرزق بيده مو بيدهم ...
والله من يوم موقف اهل زوجي وانا بس ادعي ...
يارب ياااااااااااارب يااااااااااااارب بارك لهم فيما رزقتهم واحعل ماعندي خير مما اخفوا علي ...
حسبي الله ونعم الوكيل ...
وحاولي انك تشغلي نفسك بأشياء كثييير عشان لا يكون عندك مساحة تفكير في هبالاتهم ...وعشان لا تتحسسي ..
حبيبتي ...
اسأله الله بحوله وقوته ان يفرج همك ياااارب ...
يارب فرج همها يارب فرج همها يارب فرج همها وارزقها من حيث لا تحتسب ...
ياحي ياقيوم ...
انا كنت جدا مشغوله بس ما قدرت اروح وما ارد لاني عااارفه اش يعني قهر
__________________
قال صلى الله عليه وسلم: "ليس شيء أكرم على الله تعالى من الدعاء"
اللهم اني اطمع في مزيد رحمتك علي وعلى اخواتي في الله فرجا ورزقا يارحمان
التعديل الأخير تم بواسطة زهور الدعاء ; 16-01-2010 الساعة 08:22 AM