مساء الخير لوجوه الخير
كيف حالكم يالغاليات ؟؟
ان شاء الله بخير
بصراحه بدون مقدمات
احس حالي مخنوقه وودي ان احد يسمعني ويفيدني
تحملوني تراني ضايقه وابي افضفض
اولا سيرتي الذاتيه
من وانا بنت كنت اعاني من تكيسات حول المبايض بس كانت بسيطه جدا
في بداية زواجي كان زوجي مااشوفه الا مره بالاسبوع ومرات اقل
ماصار حمل الابعد 10 اشهر
وكنت مراجعه عند دكتور شاطر جدا بس عطاني محفز (منشط) وحملت
بس الله ماتمم علي حملي اجهضت 6 اسابيع
ومن بعدها شفت بلاوي
من بعد كل دوره اما التهابات بوليه او نزيف مو معروفه اسبابه
او افرازات بنيه
رحت اكثر من مستشفى قالو لي يمكن لخبطة هرمونات
امي الله يخليها في اخر دوه ودتني عند المراخه وقالت عندي ماء في الرحم
الله اعلم ايش كانت تقصد بهالكلام
اكثرت من الدعاء والصلاة والقران والصدقه
انا كانت اخر دورتين عندي 10\11 و10\12
ولين اليوم ماجتني الدوره
طبعا اللقافه فيني رحت حللت قبل موعد الدوره باسبوع طلع سالب
رجعت حللت قبل موعد الدوره بيوم طلع سالب
حللت بعد تأخر الدوره ب5 ايام لكن بول اكرمكم الله نفس الشي طلع سالب
وكنت بنفس اليوم رايحه عند الدكتوره وقلت لها ابي اسوي تحليل
قالت لا انتي سويتي تحليل وطلع سالب خلاص انتي منتي حامل
قلت لها انا كنت مسويته قبل موعد الدوره قالت لو كنتي حامل كان بين حتى لوقبل
موعد الدوره احبطتني كثير
لكن الحمدلله ايماني بالله قوي بس خلتني اعيش بصراع<<< الكلمه صعبه شوي
بس من جد كأنه حرب بين الشر والخير
ساعه اقول ان شاء الله الله استجاب لي دعائي
وساعه اقول يمكن الله مااراد لي خيره هو اعلم بالحال
والله ماادري قلت لزوجي تكفى خلاااااااااص لاتقولي احلل ماابي خليني عايشه على هالامل
اما تجيني الدوره
او انتظر لموعد الدوره الشهر الجاي
والله ماادري شسوي شوقي اني اكون حامل فضحني قدام الكل
قسما بالله قلبي يتقطع ودي يكون لي طفل من لحمي ودمي
يكون لي لوحدي انا ارضعه واهتم فيه واسهر عشانه اسمع صوته يملا البيت
شسوي؟؟؟؟؟؟؟
ااااخ الله كريم يارب يرزقنا اجمعين بما يحبه ويرضاه
__________________
رب ارحمهما كما ربياني صغيرا