ارتفاع ضغط الدم , الي عنده خبرة او معلومة
السلام عليكم , ومساءكم مليئ بالورد المعطر
طبعا ً مثل ما تعرفون إني قبل اسبوعين تنومت بالمستشفى لمدة 5 ايام ,, عشان ضغطي المرتفع , ارتفاع مفاجئ ... وكان مرتفع بشكل كبير جدا ً
حتى اتذكر نظرات الدكتورة المذهولة لي وهي تقول , ليش ضغطج هالكثر مرتفع؟
آنا جاوبتها ببرود : ضغطي مرتفع؟ مادري اصلا ً مرتفع !!
وبعدها على طول قالت مافي ترجعين البيت انتي بترقدين بالمستشفى حالا ً ...
وفعلا ً ظليت بالمستشفى ... لسببين عشان ضغطي المرتفع , وعشان ينزلون جنيني الي مات ببطني (الله يعوضني يارب)
آدري طولت السالفة بس حابة اقولكم كل إلي صار معاي ف مسامحة 
اذا خذيت من وقتكم
المهم إني طلعت من المستشفى بعد 5 ايام بعد تحسن صحتي تدريجيا ً ... الحمد لله
وقد وصفت لي الدكتورة بعض الادوية ... ومنها دواء الضغط ...
الآن دوائي انتهى من ثلاث ايام تقريبا ً
وآنا احس بالتوتر والقلق لأني ما اشرب الحبوب ...
خايفة يرد يرتفع علي الضغط بأي وقت وما احس له ؟
والله عايشة برعب كبير .. وبس احاتي روحي وضغطي ... !
خبركم اذا ارتفع الضغط لو وين يوصل ما في اعراض معينة .... وارتفاع الضغط له جوانب خطيرة على الصحة
والاطباء اسموه ب (الموت الصامت) لأنه يأتي بدون سابق انذار وبدون اي اعراض ... ف يقتل الشخص بدون حتى ما يدري ...
واصلا ً يوم كنت رايحة المستشفى بالبداية كنت رايحة عشان سبب ثاني وهو سبب الجنين الي ببطني,, ولكن الدكتورة فاجئتني بخبر ارتفاع ضغطي
المهم الليلة رحت مع زوجي للمستشفى ....
وقلت لدكتورة السالفة ..
كان ضغطي مرتفع قليلا ً , يعني مو بصورة خطيرة ولكن مرتفع يعني مو بحدود الطبيعي
وقالت لي لا ماراح اوصف لج اي دواء ! لأن انتي بعدج صغيرة وحرام تتعودي على حبوب الضغط !!
ونصحتني ابتعد عن الملح والدهون والمشي لمدة نصف ساعة باليوم ... وبعد اسبوعين اعيد فحص الضغط !
بصراحة قلبي معورني ... خايفة على روحي !
مادري شسوي ...
احس بأي وقت بيرتفع علي الضغط ويصير لي شيء لا سمح الله !!
وهذا الشيء مو جايبته من خيالي !
تو وحدة من منطقتنا ارتفع عندها الضغط بشكل مفاجئ بعد الولادة وسبب لها نزيف بالمخ =(
ومنها وآنا بس اوسوس 
الي حبيت اقوله ,
اي وحدة او اي احد عنده لو معلومة صغيرة عن الضغط المرتفع لا يبخل علي ...
مثلا ً آنا سمعت إن الكركدية يساعد في خفض الضغط
وإن شرب كوبين ماء قبل الاستحمام ايضا ً يساعد على خفض الضغط ....
وهل من مزيييد من المعلومات والخبرات في هذا المجال ؟
__________________
حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي
احبكم 3>
التعديل الأخير تم بواسطة منت عاجبني ; 17-01-2010 الساعة 01:07 AM