منتدى عالم الأسرة والمجتمع - عرض مشاركة واحدة - أنقذونا من نار العنوسه فنحن بشر مثلكم

17-01-2010, 09:52 AM

yes no

عضو نشيط

تاريخ التسجيل: Jan 2006

المشاركات: 118

انا مؤمنه ايمان كلي بأن اللي اقتنع ورضى بقضاء الله بيلقى الامن والطمأنينة في حياته على الصعيد النفسي والجسدي والخ،،
واللي مارضى بيعيش في قلق وهم ونكد وتعب نفسي شديد

وهاللي صاير معاج اختي ومع كل وحده عايشه في قلق وهم العنوسه
عزيزتي القلق هذا نابع من عدم رضاج بحكم ربنا بالتأخير في زواجج

ربنا له حكمته لكل شي
والانسان لو انه درى بالغيب كان اختار اللي ربنا اختاره له واللي هو الواقع
تأكدي التأخير وعدم زواجج هو خير لج
ارضي فيه بتلقين الراحه النفسيه وبتلقين انج منكده روحج وشايله هم ولا هو هم ولا هي نار

فهمت انج مرتاحه في حياتج وعندج اخو مب مقصر عليج ماشاء الله
انتي في نعمه غيرج مب ملاقيها..
عيشي حياتج مع اللي حولج.. عيشي مرها وحلوها معاهم
خططي لبكره واشغلي نفسج
ولا تعطين لكلام الناس اي اهميه.. اذا انتي راضيه كلام الناس"السلبي" مابيكون له وقع كبير عالنفس
والحياه يا عزيزتي مو كلها زواج!

امم اعتقد اني مصنفه من الفئه اللي ذكرتيها "عوانس" لول طبعا من قبل الناس
بعد شهر وشوي بكمل الـ 29 ولله الحمد
وبعدني للحين عزباء <-- لطيف اكثر من عانس لو انه كلمه عانس ماتضايقني الحمدلله
واذا تبين الصدق محد يصدق اني وصلت لهالعمر وبيني وبينج مب عاطيه لـ "رقم" العمر اي اهميه

اشوف انه نفسيه الواحد تبين في ويهه
النكد اللي انتي معيشه روحج فيه ممكن يعطيج اكبر من العمر اللي وصلتي له

حاليا حاطه لنفسي خطط لازم اخلصها قبل ماادخل الثلاثين "طبعا اذا كان لنا عمر"
وكل اللي حولي عارفين بهن

<-- تسوي اعلان لول
اقولهم اتريوو الثلاثين بنيو لووك <-- مسويه فيها تشويق

هيئه يديده ماتقتصر عالشكل الخارجي فقط
العيوب والطباع السيئه
علاقتي باللي حولي وربي قبل اي حد
الامور المعلقه ننهييها وكورسات وحوسات وهكذا

حياتي حلوه حلوه ولله الحمد.. الناس تشوف انه ينقصها زوج
وانا اشوف انه ماينقصها اي شي,, راضيه باللي عندي وباللي بييني
ومرتاحه لابعد حد والحمدلله

وصلني كلام الناس فلانه عنست وحتى انهم يشفقون علي..
وربي انا اللي اشفق عليهم

تدرين ليش.. لانهم رابطين هالحياه بالزواج وبس
وحياتهم بدون زواج توقف وتنتهي
ناسيين سبب تواجدنا في هالحياه..

اللهم قنعني بما رزقتني وبارك لي فيه واخلف على كل غائبة لي بخير

ربي يبعد عنج الهموم ويرزقج بالزوج الصالح

التعديل الأخير تم بواسطة yes no ; 17-01-2010 الساعة 09:57 AM