اتمنى الا اطيل عليكم ولا تفهموني غلط لكن عندي مجموعة اسئلة اتمنى تجاوبون عليها اجابات مقنعة وبعدها ارجوكم تعطوني حل لمشكلتي:
كيف يكون الزوج بارا بأمه ؟
هل الشرع اوجب على الزوج الا يفعل شيئا لبيته وزوجته الا بعد مشورة امه؟ وهذا من باب البر أن لا يسافران سويا الا بعد طلب ان تسافر معه هي وابنائها الباقين؟وأحيانا هي تحدد المكان والزمان تلبية لرغبة ابنائها الصغار؟
هل بر الام انها تطلب منه في اوقات متأخرة ان يقضي مشاوير بناتها المتزوجات؟
والآن اطرح مشكلتي وأناديي الجميع بأن يعطيني النصح الازم انا اكتب هذا الكلام وانا في حالة يرثى لها من الالم والصراع النفسي وهل يتوجب علي مراجعة طبيب نفسي ام لا؟
اشتدت مشاجرة عنيفة بيني وبين زوجي شديدة كادت ان تصل الى الطلاق والسبب ان امه طلبت وتمنت ان يكون لديها جوال وسرعان ما لبى رغبتها ولكن تفاجئ بنفس اليوم ان اخبرته انها لا تحتاجه وستعطيه ابنتها المراهقة وهذا ما كانت ترمي اليه من البدايه واكتشفت انه يسددفواتير الجوال اللي رايحه برسايل بايخة ومكالمات ابيخ وترفض ان تتصل والدتها فيه او تستخدمه وانا محدد لي مبلغ الي عندي بنت واهل واخوات ويقول لي يا ويلك تتعدينه او حرمتك اياه هل هذا بر للأم ؟شي ثاني اذا جت العطلة يقول لي ترا ما عندي اجازة ولا تفكرين بشي لأن اوضاعي المادية سيئة وبعدها بكم يوم يقول لي والله انا اتفقت انا وامي واخواتي المتزوجات نروح للمكان الفلاني تبين معنا الله يحييك واذا مو عاجبك انا ما اعصي امي العطلة اللي راحت قلت له اتمنى اشوف مصر وقال لي حلم ابليس بالجنة والسنة هذي الماما تبغى مصر فقال بسيطة , العام الماضي سافر مع والدته لحضور حفل زفاف قريبه لها لمدينه لا يطيقها والسنة هذي اطلب منه ان يسافر معي لحضور زفاف قريبة لي يقول امي على عيني وراسي اوديها اما انتي ماني مجبر
اين حقوق الزوجة؟ خطبني وانا موظفة وبعد الزواج انتهى عقدي وجلست في البيت وصارت له صدمه كبيرة وكلمة والثانية توظفي واصرفي على نفسك .
لا يريد النقاش حتى اذا بدأت اتحدث معه في هذه المواضيع يتحدث بكل برووود انا بار بأمي مو عاجبك انتي حرة لين ابكي بقوة من النار في داخلي واصل الى مرحلة من العصبية والاحساس بالذل تجعلني ادعي على امه او اضربه فيكوووون هنا مربط الفرس عنده وينقلب علي ويكشر عن انيابه انتي وانتي غلطتي علي حسابك عندي انا اربيك انا اكلم والدك انا ما ابغاك ولكن هو اللي يضطرني الى هذا الاسلوووب ويعمد الى ان يوصلني لهذه المرحلة.

__________________
صحب الناس قبلنا ذا الزمانا وعناهم من شأنه ما عنانا