المشاركة الأصلية كتبت بواسطة روح الطير

السلام عليكم و رحمة الله و بركاته

أخواتي و أخواني

حابة أستشيركم بخطوة عملتها من حالي ؟؟؟

عندي قريبة لي محترمة جدا و بنت ناس و كل شئ لكنها ما تطلع برة البيت و لا حتى أمها ،، و كل
أخواتها تزوجوا و بقيت هي في البيت و أمها قاسية بالكلام و أغلب الوقت تجرحها بالكلام ..
البنت عمرها 25 و متعلمة و أخلاق و دين و كل واحد من أخوانها و أخواتها مشغولين بحياتهم ..

لإني مغتربة و ماني قريبة منهم ، فقمت سجلت بموقع للزواج موقع العفاف اللي تابع للشيخ و الموقع
مراقب و مقيد بشروط و مافي رسايل و لا ايميلات و جوالات ،، كل شئ طبعا بقيود ..

سجلت فيه و كتبت بيانات قريبتي ، مادري كيف جات الراس بفكرة بمخي هههه <- أقصد الفكرة بمخي
و كتبت بياناتها و بينت إني قريبتها و أبحث لها ،،

المشكلة ..
إنه زوجي عرف بعدين ، و فرح لإني أفكر بغيري و حزن علي ،، لإنه يقول تفكري باللي حولك ،،
و ما تفكري بنفسك ،، الزبدة / إنه زوجي عرف بالصدفة لإنه استخدم كمبيوتري و ماكنت أبغى أي
مخلوق يدري ، لإنه شئ بيني و بين ربي .. بس قلت خيرة ،، و بأعمل الشئ هذا بعلم من زوجي ..
و وعدني يكون سر ..

سؤالي :
هل الخطوة اللي عملتها صحيحة ؟ البنت و أهلها ما يدروا .. و لو عرف أخوهم بيزعل و يتضايق أكيد ..
أحد جرب أو سمع عن الموقع هذا ؟ و هل بالفعل ممكن تنجح الزواجات فيها ؟
لو إنت مكان قريبتي ، بتزعلي و لا تفرحي إذا في يوم عرفتي ؟؟؟؟

البنت أحس نفسها تتزوج بس الحياء يمنعها ،، لإنه أخواتها تزوجوا و اللي أصغر منها ..
و حتى أخوانها تزوجوا ،،
و أنا لإني مغتربة فماني قريبة منهم علشان أدل أي أحد يبحث عن عروسة لهم ..

و أي شخص بيسجل فيه من الشباب ، إيش بيكون رأيه إذا عرف إنه قريبتها اللي تبحث لها ؟
هل بينتقص من قدرها لا سمح الله ؟؟؟
و اللي بيسجلوا فيه من الشباب ، هل بيسجل فيه لإنه مافي وحدة مثلا قبلت به ؟

معليه أسألتي كثيرة لإني مترددة و إذا رد علي أحد ( طبعا الرسالة ما تتمرر غير بعد ما يقروها
الشيوخ ) و موقع ثقة بإذن الله لإنهم يطلبوا اثباتات رسمية من الشباب ..
( إذا رد أحد ، إيش أقول له ؟؟؟؟ أعطيه عنوان العايلة و لا كيف ) ..

أحد يدلني رجاءً ..
و هل استمر أم أتركه ؟؟؟؟