مشكورين جميعا هلى المشاركة وابداء الراي واول خطوة راح الغي اشتراكي في هالقروبات وعلى فكرة ماصار لي اسلوع من اشتركت فيها يعني انا مش مدمنة هالسوالف بس لاني حاسة بالفراغ واقول يمكن يشوف اني ادخل هالمواقع فينتبه لنفسه ولي.. ويعطيني حقي..بالنسبة للماكولات زوجي مايقدر ياكل اي شي لان عنده مرض النقرس...وفي كثير اشياء هو ممنوع منها
وبالنسبة للحركات والله انا كل يوم اسوي له وادلعه واخليه يكلمني قبل مايجي وهو في الطريق عشان ابدل واتعطر له..يعني في هالشي مب مقصرة..بس المشكلة ان زوجي يستحي وايد وايد يعني مستحيل يبدل قدامي ابدا ودايما يقفل على نفسه الباب..
ومرات لما نكون بالليل اتعمد ادخل اسبح وافتح الباب بس للاسف هو مايفكر حتى يمر علي..وبالنسبة للنوم زوجي ممكن ينام اكثر من هالساعات يعني يصحى لصلاة الجمعه وبعدها يجي يتغدى وينام على طول لحد الساعه 6 المغرب..يعني ممكن تقولون انه يكون صاحي بس فترة الصلاة...
وهالشي مو من مهدئات بس هو وراثة لان كل اخوانه نفس الشي...كلهم ينامون اليوم كله تقريبا..وبصراحة زوجي يكون صاحي للشغل بس...واول مايرجع ينام على طول لحد اليوم الثاني او يصحى الساعه 8 بالليل ويرجع ينام 12