السلام عليكم ..

:

كيف حالكم جميعاً ؟

خواتي آنا كثير محتارة .. و أطلب مشورتكم ..

من إسبوع وكم يوم تقريباً .. أو إسبوعين ..
يعني عقب دورتي بإسبوع و كم يوم ..
نزل مني دم خفيف بعد الجماع .. و زوجي للعلم ما كان يضغط و لاشي ..
ولا حسيت بألم و هالأشياء .. رحت للطبيبه .. بالمركز الصحي و قلت لها انه نزل مني دم شوية .. و ووقف عقب .. ،
قالت لي هل تنزل منك إفرازت بيضا ، قلت ايوه .. قالت عندج إلتهابات و عطتني كريم مهبلي .. وقالت استخدميه كل ليلة لمدة اسبوع ..

:

طبعاً استغربت شوي ، وش التهابه و ليش الدم بيطلع من الإلتهاب .. مع العلم مافي لا حروق ولا احس بأنه في الم داخل .. و الدم نزل بس مره وحده .. وعقب لما يصير جماع ماينزل .. وا لإفرازات اللي تطلع مني طبيعيه عندي من المراهقة

انا ماستخدمت الكريم و سويت فحص و طلعت النتيجة سلبية ..
و استشرت ناس قالوا انتظري اسبوعين عقب سوي فحص
ولا تستخدمي الكريم ..

:

مع العلم احس بألام احيان بالخصر لو تحت الصدر .. و امس .. كنت حاملة سلة الملابس و هي ثقيله
وحسيت بتعب .. مع العلم اني متعوده ع حمل الأشياء الثقيله وماقد تعبت كذا ..

:

والحين مر 21 يوم على دورتي ..

:

ابي مشورتكم

خجول وردي