منتدى عالم الأسرة والمجتمع - عرض مشاركة واحدة - أبكي بلا سبب و ماريا جابتها عالجرح

25-01-2010, 01:42 AM

#16

ماريا

عضو المنتدى الفخري

تاريخ التسجيل: Jul 2006

المشاركات: 10,538

اقتباس:

المشاركة الأصلية كتبت بواسطة روح الطير

أختي ماريا

أحتاج لكلامك ، يريحني كثييييييير ..
قولي لي إيش أعمل ؟؟؟؟؟؟

ما دام الموضوع مطول شهرين بس اصبري و حاولي تستشعري كم الوقت سيمر بسرعة هالشهرين
لا تحرمي حالك من الطلعة من البيت عالاقل 3 مرات بالشهر

و اسمك في العنوان ، إنك جبتيها في الصميم ..
أمس بس أبكي و أقول ماحد فاهمني ، أنا تعبانة .. تعبانة .. أحس إنه السنة هذه ..
هي قنع الزجاجة ؟؟؟؟؟

بتصير فيني كتيييييييييييييير
ببكي و ما بعرف شو السبب
بس غالباً بكون السبب انه اهلي مو فاضيين و ما حدا عم برد عالتلفون و زوجي مناوب او مسافر
بكتئب كم ساعة بعدين بشغل حالي بأي شي تلفزيون او قرآن او المنتدى
او بعانق ابني و بحكيلو مشكلتي و هو مو فهمان شي

صدقيني برتاح كتير

طيب إذا كانت مشكلتي هي الدراسة ، و أكييييد الدراسة ..
طيب أنا ماشية في دراستي الحمد لله بالقوة و بالدف .. بس المشكلة اللي حولي ،،
لمتى يتحمولني ؟ كل شئ له طاقة .. ؟؟؟؟

شو بدك باللي حوليكي أكيد اعتادوا عليكي وعلى مشاكلك

انتي ماشية بالدراسة أكيد شي كويس
بس الدراسة بتبقى هم و عائق أمام أمور كتيرة ممكن تعمليها و ترفهي فيها عن حالك
يعني بدل ما تطلعي مع زوجك و ولادك او تشوفي صديقة من صديقاتك عم بتقعدي بتدرسي << شوفي أكتر من هيك شي بكئب ؟؟؟

تخصصي مرة متعب ، لدرجة إنه ما معاي أحد يدرسه غير كم واحد انجليزي ..
و على قولتك ، في البكالوريوس تعبنا من غير مسؤولية زوج و طفل و بيت و غربة و لغة تانية كمان ..؟؟

بس إيش أعمل من هنا لحد ما أخلص الشهرين هذه ؟؟؟؟

يا ستي منيح انها شهرين
هااااااااااااانت
اطلبي من زوجك يذكرك كلما اكتأبت بكل حديث و كل آية ممكن تصبرك
هيك كان والدي يعمل وقت كنت بالبكالوريا
كتير كتير كنت ارتاح و اشعر انه يااااااااا رب انت كريييييييييم و انا كل أملي بكرمك و رحمتك
شعور الضغط بسبب الدراسة صدقيني إلو نكهة الآن انا بفتقدها
نكهة التعلق برب العالمين و استشعار رحمته وكرمه و عطاؤه
شعور نادراً ما يشعر فيه الانسان لما يكون بنعمة و ما عنده هم !!!

و ما بأخد حبوب ،، ما أحبها ،،
بس فكرتيني بالفتيامينات ،، داومت عليها من شهرين بس أسبوعين و تحسنت نفسيتي و تعدلت
بأرجع و أخدها إن شاء الله ،، ربي يذكرك بالشهادة يارب ..

و ما يمديني أروح لحديقة علشان أروح لندن ههههه ..
تصدقي ؟؟؟ ما عمري شفت البيج بن ؟؟؟؟ : ( : (

معقولة ؟
هانت صدقيني هانت بس تخلصي هالشهرين بتطلعي بتزوري كل هالمناطق و انتي مرتااااااااااااحة
وانا بنصحك لو تفرغي يوم من هالايام خلال هالشهرين تطلعي فيهم مع زوجك و تزوروا اي مكان
بتجددي همتك و نشاطك للدراسة

من يوم جيت هنا ، ما بأفضى أبدا ..
هانت كلها كم شهر تنعد يارب ..

بس زعلانة من نفسي ، لإني زعلت أمي و زعلت زوجي مني أمس ..
صح رضيوا عني و سامحوني ، بس أنا زعلانة من نفسي و متضايقة و ماقدر أسامح حالي ..

انتي طبعك انك بتفشي خلقك باللي حولك
لا تبكي لأمك و لا لأحد من اخوتك لأنك بتزيدي همهم عليكي و هم بعيدين و مو قادرين يقدمولك شي
انا وقت كنت بالجامعة كانوا اهلي يحكو معي و انا مشتاقة لهم و حاول اكبت دمعتي و ما اظهر اي شي من الحزن لأني أعرف تماماً أنهم سيبكون عليي و بنفس الوقت مو طالع بايدهن شي

أما زوجك معلش

بس بحدووووووود ديري بالك
كل ما فشيتي خلقك فيه اعتذري و قوليله يصبر عليكي هالفترة
و اياكي تتذمري من الغربة
نحن رجالنا حساسين و اذا تذمرنا من الغربة سيشعرون اننا نتذمر من شي هم اختاروه لنا
الرجال حساسين جداً من هالناحية
و ما تزعلي لأنك زعلتيهن معلش يعني اذا ما فشيتي خلقك لزوجك مين اللي رح يطبطب عليكي و يصبرك ؟؟؟
بعدين زوجك و أمك اكيد اعتادوا على زعلك و ما عاد تفرق معهم اذا جرحتيهم بالكلام لأنهم عرفوا انك ما بتقصدي اي شي لما تكوني معصبة
و انتي قولي لهم انك ما بتقصدي شي من كلامك لما تكتئبي
معلش اصبري و الصبر مفتاح الفرج
اعتذر اذا كان هناك اي خطأ إملائي كتبت الرد بسرعة و الكيبورد شوي مغلبني
الله يوفقك يا رب

__________________
.
.

استودعتك أهلي في سوريا يا من لا تضيع ودائعه