^ اي والله استغربت من ردهـ !
معقولة زوج ينتقم من زوجة على سالفة جذي !
المهم ,,
اليوم اتصل فيني من الدوام سولفنا شووي.. وجات سالفة رجوعي للبيت
مع إني متفقه مع نفسي ما اتكلم بالموضوع لأن ابي اخطط لمفاجأة
بس استغربت من ردة فعلة لازال مصر على رأيه يبيني اظل في بيت اهلي
يا ناس يا عالم ابي اعرف شسالفته هذا يبي يجنني !!!
سألتني إذا اهلي ضايقوني بشيء, قلت له لا شايليني على راسهم وحتى كاس الماي ما اغسله يغسلونه عني !! وآنا غصب اقنعت امي وابوي ارجع البيت والحين انت الي مو راضي ارجع !!!
اكيد ما تحبني ! يقول إنه يحبني !!! ولأنه يحبني يبيني اقعد !
يقول لي لازم ترتاحين في بيت اهلج لحد ما يجي موعد المستشفى ونتطمن عليج كل شي اوكي
اقوله خلاص برجع البيت بدون ما ااسوي شيء وبكون مرتاحة
قال لالالالا اخاف تنظفين وتشيلين وتحطين بعدين يصير لج شيء !! ونرجع من اول وجديد
مادري شنو قصده نرجع من اول وجديد ..!!! بس الي عرفته إن مايبي يصير لي شيء عشان لا نكون اصدقاء المستشفى !
آنا موعدي بعد اسبوعين ! يعني معقولة بعد يبيني اقعد اسبوعين زيادة !!!
كللله من اهله وخالاته وامه عقدووه قالوا له تحمل فيها ترى الي صار لها اصعب من الولادة ! 
وامي بعد ما قصرت كل شوي تحمل فيها ولا تعصبها لا يرتفع ضغطها ويصير لها شيء
ليش يخوفونه بروحه اهو خوواااف ... وكان مرعوب يصير لي شيء !
وعاد هو بصراحة مصخها في خوفه علي , الحمد لله آنا احسن صرت زينة
انزين آنا وعدته ما بسوي شيء وبريّح نفسي
وآنا صج ابي ارجع شقتي 
اصلا ً من الحين قامو يتكلمون علي يقولون لي طولت في بيت اهلي!
هو يقول ماعليج من كلام احد , اهم شيء انتي واثقة إني احبج وانتي قاعدة في اهلج لأن احبج !
اصلا ما يستاهل افكر اسوي له مفاجأة ,, ومابي اسوي شيء وخلاص ما بفكر 
شلاخ شلاخ ما يحبني 
لو آنا احب احد ما بخليه بعيد عني
آنا عصبت
صحت
قلت له
انت مو حليو !
وما احبك !
واذا ما تبيني آنا بعد مابيك !
ومع السلامة !!
ضحك على هبالتي كالعادة ! وقال اشوفج الليلة بحفظ الله ,, وسكر !
__________________
حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي
احبكم 3>
التعديل الأخير تم بواسطة منت عاجبني ; 25-01-2010 الساعة 12:59 PM