زهور ... قرأت كلامك وتوجع قلبي لإجلك والله ... أولاً إنتي تكرري كتير الإعتذار عن حكيك معنا وكأنك عم تعملي جريمة ... ليش حبيبتي ... هو إنتي بتتضايقي لو وحدة فينا شكت همها وفضفضت ؟ ... ما بعتقد ... لكاااااااان لا تكرري هالكلام .

ما بلومك إن حالتك النفسية تكون تعبانة شوية ... بس ( لا تقل يا رب عندي هم كبير وإنما قل يا هم عندي رب كبير )

بالنسبة لإن زوجك يطفش من الأطباء فعاااااااااااااااااااااااادي جداً حبيبتي ... تعالي شوفي زوجي .. من ثاني شهر علاج يقولي لو ما حملتي هالشهر فأنا ما بيا حيل اروح معك لطبيب من تاني ... بس غصب عنه باخذه معي ^_^ يضرب كسله يعني لو هو كان المريض كنت انا تململت مثلا ؟!

صحيح انا مثلك مللت من الاطباء والتجارب والادوية واكيد كل البنات هنا كمان بتجيهم لحظات ملل من هالأمور ومن الإنتظار والتأمل والخيبات المتكررة ... بس نرجع ونقول ... الحمد لله على كل حال ... غيرنا بيتمنو اصلا هالتجارب بس حالتهم مستحيلة وما يقدرو حتى يحاولو ...

اتمنى من كل قلبي حبيبتي نفس امنيتك وهي ان ما تجيك الدورة هالشهر وتبشرينا بالحمل .. ان شاء الله ما تشوفين شر وتزول هالغيوم السودا عن سماك ... اقولك شي ...تذكري اسوء موقف مر فيك في حياتك وتصورتي انك ما راح تكوني سعيدة بعده ابدا وتذكري اول ابتسامة ابتسمتيها بعد الموقف هذا ... ما بعرف ان كان في حياتك هيك مواقف .. بس انا في كتير ... وكل ما بتألم من شي بتذكرها واقول مثل ما عدت تلك راح تعدي هذه ... ولا شو ^_^ ؟
يللا كافي رغيت كتير ووجعتلك دماغك ...