اقتباس:
يابنتي ربنا رحيم بعباده
وممكن يكون اللي حصلك ده خير ليكي
كان ممكن تكوني اتجوزتي اللي انتي بتحبيه وكان طلع مش كويس خالص
وتعالي شوفي المشاكل من النوع ده
قصة حب بال5 وال 7 سنين وتتوج بالجواز وتتصدم صدمة عمرها في حاجات وخيانات وقرف... يعني بجد بيكون ابتلاء مافيش بعده ابتلاء.. وتضطر تتحمل بلاوي من ورى اهلها عشان اختيارها ده واصرارها عليه من البداية..
ربنا وفر عليكي عناء التجربة لإن كان ممكن ماتتحمليش صدمات وهو اعلم منك بيكي
وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ
فمتضيعيش سنين العُمر الحلوة في افكار وخيالات مالهاش لازمة ... هتندمي
يعني جوزك ده في الف واحدة تتمناه .. وصدقيني لو صادف واحدة في مكان ما وكان ليه احتكاك بحد وعرفت مميزاته قد تعمل المستحيل عشان تلفت نظره بس ... فانتهزي الفرصة لايروح منك وتندمي ..
صدقيني الواحد مش بيحس احيانا كتير بالنعمة الا بعد زوالها .. وهتقولي كانت قدامي حاجات كتير يارب ويارتني ويارتني .. لو حصله اي مكروه هتبان الحقيقة البشعة قدامك من كل الناس اللي حواليكي وهتشوفي الوحدة بعنيكي وهتعيشي ليالي مظلمة جدباء .. تتمني فيها لحظة حنان منه..
جوزك ده الجايزة الكبرى من ربنا فكري فيه على طول كدا
ومن منظور تاني احنا كستات مشاعرنا مرهفة جدا .. يعني ممكن نحب قطة ونعشقها .. بمنتهى البساطة .. نحب الراجل اللي يقولنا كلمة حلوة وتلفت نظرنا .. لمسة حنينة ونظره مليانه حب..
حد بياعملنا مثلا بطريقة حلوة وفيها اتكيت ...يعني عوامل انطلاق الشرارة بالهبل .. فمتعقديهاش اوي على جوزك .. يعني عاوزة تقوليلي معملش حاجة ابدا ليها سهم في قلبك؟؟!!
ده حلالك واولى بمشاعرك من أي حد تاني.. فمتحسيش بالذنب ابدا تجاه مشاعرك الطبيعية ناحيته وتصديها .. سبيها تنطلق بحرية ... على الاقل عامليه بجد على انه فارس احلامك وهيكون
عارفة انتي بتفكريني بفيلم "الوسادة الخالية" لو شوفتيه !!
|
كلامك نزل علي كالماء البارد ياحلوايه جزاك الله كل خير
وانتي يارفقاء الامل تذكريني بنفسي كثيرا ولكن الفرق اني متزوجه منذ3سنوات.. اتمنى من الله ان يفرج همي وهمك و يرزقنا حب ازواجنا كما رزق رسوله عليه الصلاة والسلام حب خديجه
__________________
(ربي اني مسني الضر وانت ارحم الراحمين)