معليش خبرتي قليلة بس حبيت ابدي وجهة نظري

لو كنت بمكانك كان سألت سلفتي بنفس السؤال

وقلت لها مو كذا ينقاس الحب لان بأسلوبها هذا تحاول تقلل من قيمتك عند زوجتك

وتحرضك عليه

فيه اشياء بين الزوج وزوجته مايقدر يحكم عليها احد

لان الناس ماتفكر الا بالظاهر ماتفكر ان بينكم اشياء اكبر بكثير من هالتفكير السطحي

يعني لو بتصير مشكلة لاسمح الله لك مع زوجك شوفي اقتراحات الناس كيف بتكون

فيه ناس تقولك اطلبي الطلاق ماتقدر الاشياء الله بينكم ومتساهله بالموضوع لانه مايخصه انتهت حياتك انقلبت فوق تحت عادي موفارقة معاه

يعني سلفتك قالت هالكلمة وماقدرت انها جرحتك وماقدرت وش راح ينتج من بعدها

فرضا هالكلمة حرضتك على زوجك وتشاكلتوا عليها وجرحتوا بعض هي را تفكر فيكم او حتى بمشاعركم ابد

فيه ناس كثير بالمجتمع هوايتها رمي الكلام وتجريح خلق الله خصوصا اذا شافوا ان الواحد مبسوط او مستقر

فانت انسي الموضوع وفكري ان حضورك للزواج مو اهم من حياتك والا احضري واذا جت 12 اطلعي لبيتك مو لازم تكملين

الزواج كله على حساب حياتك سلمي وخلي قرايبك يشوفونك وخلاص اذا ماضحى زوجك ذيك الليلة واستغنى عن مبدأه

لمده ليلة ولا تفكرين بكلام سلفتك ابدا لان كلامها ماله اساس من الصحة

والله يوفق الجميع ويستر علينا بالدنيا والاخرة