مساء الخير يا بنات
يا رب تكونو بخير

انا الحمد لله نقلت البيت الجديد بس طبعا لسة مروقتش و مش قادرة و ماليش مزاج اعمل حاجة ربنا يقوينى


حلومة حبيبتى بصى بصراحة انا مش شايفة ان حملك اصلا صعب
انتى ست طبيعية بس مستعجلة على الحمل
و صدقينى من غير ما تاخدى اى منشط كنتى برضو حتحملى بس انتى بتاخدى المنشط عشان يساعد
و اسالى دكتورك اذا بيأخر التنضيف خليه يشوف حاجة تانية
بس انتى ذى الفل
و ان شاء الله نتطمن عليكى و ميبقاش فى اى حاجة
ربنا يطمنا عليكى


زهورة حبيبتى الف سلامة عليكى
بصى انا صريحة و مدب كمان فى صراحتى
قولى لجوزك
"رفقاً بالقوارير"

لما تكون القارورة اللى فى بيته و اللى مسؤلة منه و اللى هو قوام عليها تعبانة و دكتورها زحمة يقعد يستنى لحد الصبح عشان يدخلها للدكتور عشان هو يتطمن عليها
بجد انا اتحرق دمى
و اذا كنتى تقدرى تروحى للدكتور لوحدك نقول معلش لكن لما يبقى هو اللى لازم يوديكى يبقى يقعد و يقعد و يقعد

معلش انا اسفة بس اذا مكنتش قلت الكلمتين دول كنت طقيت من جنابى بصراحة
المهم لما تطمنى على نفسك طمنينا
و بالنسبة لاحساسك يا بنتى ربنا دا حبيبنا و كريم و بيحبنا لما نتدلع عليه و نطمع فى كرمه ايه المشكلة
ان شاء الله ربنا حيفرحك و يفرحنا بفرحتك يا رب

و تانى متزعليش منى



زوزّة الموزة
انا اول جوزاى او بعد سنة لما قررت اتابع التبويض عشان التلقيح الصناعى كل ما اروح للدكتور و يعملى سونار انزل عنده مش بكلم حد و جوزى يقولى ايه الاخبار "بتاعة البويضة" افضل متنحة لحد ما انسى الصدمة
و دلوقتى بعد 5 سنين مش من الجواز لأ من اعتياد السونار المهبلى
بقى عااااااااااااااااادى
الدكتور يعمل و اذا حب كمان يجيب صحابه يعملو سونار عادى تبلدت خالص
ربنا ميحوجنا يا رب
الاول صعب نفسيا و بعد كدة عادى خالص


زجولة الف مليون مبروك لصحبتك و ان شاء الله ربنا يتملها على خير يا رب



نعووووووووووووومة يا بنتى ربنا يهديكى
و عاوزة اقولك على حاجة هو انتى معندكيش ثقة فى ان ربنا ممكن يكرمك؟
يا بنتى بلاش اليأس دا روحى و حللى و ان شاء الله ربنا حيفرح قلبك
و حقولك على حاجة بلاش موضوع اعراض الحمل دا لانها بتجيب اكتئاب بجد
انا لما عملت الحقن كنت قريت كتيييييييييييييير على النت تجارب البنات فى الحقن و اللى كانت بتحس بوجع فى بطنها و صدرها و و و و
و بعد الحقن استنيت اى حاجة توجعنى طب نفسى غامة عليا طب عاوزة ارجع طب صوباعى واجعنى اى اى حاجة
ولا الهوا و طبعا اكتئبت و حالتى كانت طين و انا كنت حامل فعلا بس مستنية الاعراض اللى البنات قالو عليها و انا حملى كان من غير اى اعراض
روحى يا بنت الحلال حللى



مرموسة يا سكرة انتى وحشانى جدا
و حلة الدايت اللى انتى عاملاة دا
انا ناوية ان شاء الله ابتدى الشهر دا عشان ارجع لوزنى قبل الحمل و ربنا يسهل
يالا نخش سبق انا و انتى مع بعض


باقى البنات بحبكم فى الله




رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة