اخواتى الاعزاء يارب تكونوا بخير ويتحقق حلمنا الغالى قريبا باءذن الله


زهور الدعاء والله انى دعييت لكى من كل قلبى ان يفرج همك ويرزقك الخير ام بالنسبه لموضوع زوجك والله كانك بتتكلمى عن زوجى تمام فكل لما اجى اذهب للطبيب ويكون زحمه يتنرفز عليا ويقولى انا مش بحب الانتظار فى عياده المره الجايه مش هاجى معاكى خذى والدتك او اختك ولما يلاقينى هخد حد تانى معايا يتكسف وييجى معانا بس يجلس فى السياره لحد لما ييجى الدور عليا ويطلع لحد المره الاخيره مرديش ييجى واخذت اختى معى ومقدرش اقولك على البهدله اللى شفنها فى الطريق بدون سياره لكن واخذت اقول فى داخلى لو كنت حامل كان جيه معايا ووصلنى لكن بعد كده قولت معلش احسن انه مجاش علشان بيوطرنى وكل ما وحده تدخل يقولى اسالى الممرضه دورك قرب ولا لسه وبيبقى لسه بدرى على دورى عموما الحمدلله احنا احسن من غيرنا الصبر ثم الصبر وان شاء الله الفرج قريب

حلمى حبيبتى اعتقد ان لو التنظيف بياخر حدوث الحمل كانت دكتورتك معملتهوش اساليها قبل ما تعملى لكن تسيبى نفسك من غير ما تعرفى ده غلط وان شاء الله ربنا هيعوضك خير

دودى دوبى انتى فين يا بنت اختفيتى ليه يارب يكون المانع خير

منى 777 حبيبتى بحبك فى الله كيف حالك

مرميس الغاليه انا كمان نفسى انقص وزنى بس للاسف فى الشتاء وخصوصا الجو البارد اليومين دول عندنا فى مصر برد جدا مش بقدر احكم نفسى فى الاكل ولا بعرف حتى امشى كتير يارب يسعدك ويرزقك الذريه الصالحه فى القريب العاجل باءذن الله

كوكار الغاليه بنت بلدى الف مليون مبروك على المنزل الجديد ويارب يكون وش خير عليكى يارب سلامى لكوكى وبوسيهولى بوسه كبيره طبعا لسه مستغرب البيت الجديد وكنت عايزه منك كلمتين شديدين اللهجه تقوليهم لزوجى زى اللى قولتيهم لزهور هههههههه مع حبى لكى

عاشقه الطفوله وبسمه ونعومه وغلا جلاجل واحه مصر وكريستالا ونورا المختفيه و ام يحى بنت بلدىو
الزاجله وجناح الرحمه و الزرافه وكل البنات يارب مكنش نسيت حد مكانكم فى القلب

تقبلوا حبى ودعائى

__________________

رَبِّ هَبْ لِي مِن لَّدُنْكَ ذُرِّيَّةً طَيِّبَةً ۖ إِنَّكَ سَمِيعُ الدُّعَاءِ