اختي الفاضلة
ماعليكي من كلام أم البنت
وإللي سويتيه زينة العقل
لأن هذا مركز وله سمعته
وبعدين حتى لوتكلمتي معها راح تسمع كلامك وماتعرفين إيش إللي براسها
ولوسوت مثل البنت إللي عملت لكم مشكلة مع أبوها شراح تسوين
أمها راح تحط المشكلة على راسك وتقول
ليش ماحطيتي بنتي تحت عينك
حبيبتي إنتي ماعليكي من أمها وكوني قوية إذا عاتبتك الأم
وهذا مركز وله سمعته
والمفروض إن الحارس يقعد خارج الغرفة على كرسي عند الباب
اسمحي أقولك أنا كنت أدرس في مدرسة مسائية لتعليم الكبار طبعا في بنات صغيرات في العمر ومش متزوجات يدرسون علشان الدراسة سهلة وعلى كيفهم ييجون ويطلعون من الدوام
الحارس يقعد قدام الباب
وفيه واحدة من البنات طلعت مع شاب تعرفه واغتصبها هو وأصحابه وانتشر الخبر في الجرائد
بعدها
إدارة المدرسة قررت ماتطلع بنت إلا ببطاقة إثبات إن الشخص أبوها أوأخوها ويدخل بنفسه لعند الإدارة أو الحارس
وإن كانت متزوجة الزوج يجيب عقد الزواج وبطاقة
حبيبتي ماعليكي من أي أحد والأم إن ماصدقت في بنتها شيء راح يجي اليوم إللي تعرف بنفسها
أعذريني على الإطالة