السلام عليكم حبيباتى
وحشتوووووووووووونى كتير كتير ...أكيد نستونى لانى ليا عده اشهر لم ادخل للمنتدى اصلا....ودخلت لقيت تغيرات كبيره الله يوفقهم المنتدى بقى اكتر من رائع
وحشتونى ووحشنى كل البنات فرحت للى كملوا ربنا يتمم الحمل بخير يارب واللى لسه منتظر ربنا يقرب البعيد باذن الله

انا بقالى تقريبا 4 او 5 شهور لم ادخل والسبب كان تافه جدا ....انه جانى صداع استمر لشهر واكتر واصبحت انام واصحى به وليس له اى حل لدرجه انى تخيلت انى اعانى من شئ سئ لا قدر الله ..اصبحت لا انام من القلق والخوف لدرجه انى ذهبت لعمل اشعه على الرأس والحمد لله طلعت سليمه فقلت والله الدنيا لا تسوى الزعل والتعب حمل ايه اللى حياتى مقلوبه علشانه راسا على عقب لدرجه انى ليا سنتين متزوجه ومن اول يوم افكر فى الحمل ولم اعش حياتى ولم افرح بسب تاثير هذا الموضوع على نفسيتى ......ناهيكم عن التعب النفسى من الادويه وتلاعب الاطباء بى وكلامهم اللى يسد النفس

ومن يومها يا اخواتى وانا والله تاركه موضوع الحمل كليا ولا افكر به اطلاقا ولم أخذ سوى طلع النخل على اللبن من ثانى يوم الدوره ولمده خمس أيام وهذا جدول انا عملته لنفسى والحمد لله أشعر بالتبويض

هذا الشهر نصحتنى امى بالذهاب لمركز كبير لعلاج تاخر الحمل واللى فيكوا مصريه أكيد تعرف مركز الدكتور محمد مقبل
المهم ذهبت وانا حاطه فى ذهنى انه ممكن يقولى تكيسات او ضعف تبويض او شئ ثالث لا اعرفه وكنت والله راضيه بكل ما سيقوله وتاركه الامر لله
كشف عليا الطبيب وقالى ما عند أى شئ !!! لا ارى تكيسات . فسألته عن ضعف المبايض قالى المبايض كما يقول الكتاب
اى سليمه وليس بها شئ وشكلها لاينم عن ضعف تبويض اما الرحم المقلوب قالى لا تفكرى فيه فهو بأختصار لا شئ
لو عاوزه تطمئنى اعملى منظار وكتبلى عليه قالى يمكن يكون فى شئ لا نعرفه
وكتبلى ايضا على تحليل بعد الجماع ليحدد نوع الالتهاب وبس!!!!!

شعرت ساعتها انى انا اللى كنت واضعه نفسى فى قالب المرض والتعب واليأس والحزن وشعرت ايضا ان الحاله النفسيه لها تاثير كبير قوى قوى على الحمل ....وجدت عنده حالات صعبه كتير وسنهم كبير كتير ومع ذلك ماشاء الله كلهم حوامل

دخلت انهرده يا بنات عشان اقول لكم ان اللى حالتها النفسيه سيئه ياريت تريح بالها من الحزن والله ما فى شئ يستاهل الزعل والحزن.........بأذن الله يوه السبت هاعمل تحليل مابعد الجماع ...ويارب خير بس والله يابنات خايفه موت من المنظار لانهم بيقولوا زى العمليه بالظبط ياريت اللىعملته تقولى ازاى بيتعمل

سلامى لكل البنات واحده واحده واخواتى الجداد يارب يرزقكم الذريه باذن الله