لحظه لحظه خبررررررررر حللللللللو طاااااااااازه
ابشششركم انا وصلت للبنت الردود ...
ولكني تفاجأت بالحل اللي وصلت له هي وقالت لي خلاص لاعاد تشغلي بالك
بمشاكلي وتبحثي عن حلول .
قلت لها ليش مافي مشكله الا ولها حل :
قالت خلاص لقيت حل معاهم الأثنين
قلت وش حلولك .
قالت بالنسبه لولد عمي :
تعرفين ما اقدر ابلغ اهلي او اخواني لأنه بينكر ويطلعني كذابه كالسابق قلت لها طيب ...
قالت مالي سلاح الا الدعاء المكثف خلال الايام هذي ان الله يشغله بنفسه عني وعن خطيبي.
وان الكل يدعي معايا ...وبأذن الله ربي يستجيب لي لأني مظلومه في امره .
قلت لها ابشرري بالدعاء ومن قلبي كمان ...
تقول وبالنسبه لولد خالي :
كلمته وقلت له هالمرة انا اللي بتكلم وانت خليك مستمع ...وبينت له اني في عذاب وماني مرتاحه في حياتي بسببه
وترجيته يببعد عني ... وحاولت افهمه اني ماني له وان حبه اللي من سنين ساكت عليه مو ذنبي ...
لأن اعترافه جاء في وقت متأخر واني مخطوبه لغيره....
وقالت كلام كثييير والله ان عين العقل ...لكنه كان مصرررر في زواجه منها ...
وطبعا سألته على كلامه السابق اللي يقولها انا بجي لأهلك واخذك بالقوة....ايش يقصد فيه
وتقول حلف لها بالله انه مستحيييل يأذيها او يسبب لها مشكله مع اهلها او اي احد ... وانو مايرضا اصلا احد يأذيها او
يمسها ولو بشوكه حتى لو كانوا اهلها كيف ياذيها هو ...؟؟؟
تقول عجزت فيه وقلت مالي الا اجيبه من اليد اللي توجعه اكيد وهم اولاده ...
وقالت له انا الان مخطوبه وبكرة بصير في عصمة رجال ... وما ارضى هالموقف على نفسي فكيف ارضاه لغيري ...
وبالنسبه لأضرارك بنفسك مابقولك كالسابق ارجوك لا تسويها ... انا بقولك تذكر انك ماتضرني انا فقط ...ولا اهلك فقط
تذكر ان وراك زوجه واولاد كلهم حيتضررون وهما مالهم ذنب في ذا الشيء... والاولاد بحاجه ماااسه لوجود ابوهم في
حياتهم ...وكلاااام كثير ... بس كتبت لكم المهم فيه
تقول انها حاولت تتكلم معاه بدون ما تعطيه فرصه للرد عشان ماتحن علي ردوده وتضعف ...
وفعلا تقول قالها خلاص الله يوفقك في حياتك والله والله اني اتمنى لك السعاده مع زوجك في المستقبل ...
وقالها نو خلاص بيببعد عنها ولايكلمها ...لكن بشرط انها تطمنه على نفسها في حياتها مع زوجها بين كل فترة وفترة ...
تقول انها رفضت وفهمته يبعد نهائي ... لكنه رفض ومازال مصررر يقول خلاص والله مابسبب لك اذى
بس ابرتاح اذا عرفت انك مرتاحه في حياتك ولا عندك مشاكل مع زوجك .
هي تقول انها تتوقع سبب اصراره لمعرفة حالها مع زوجها لأنه رجل غريب ومن خارج قبيلتها وخايفين على
حياتها المستقبليه معاه ومع اهل زوجها وقبيلته .؟
المهم تقول قالت له خلاص ان شاء الله تسمع اني مرتاحه بأي طريقه كانت موشرط عن طريقي يكون الأطمئنان
تقول الي اثبت لي انو صادق ومايقصد بالإطمئنان الرجوع لي انه واااااافق على الشرط وماقال لازم انتي تطمنيني على نفسك .
المهم انها الحمدلله تركته وتقول خلاص ماعاد اتصل عليها بعد هذي المكالمه ...
هي طلبت مني اننا ندعي لها فقط وان الله يكفيها شر كل ذي شر...
لأنها خايفه بكره يطلع ليها موضوع جديد ؟؟؟
وشكرا لك من ساهم بالدعاء او ايجاد حل مناسب وسامح الله كل من اساء .
وسامحوني لأطاله وشكرا لكم