صباح الفل يا قمرات


ام بسمة يا سكرة
انتى تنورى هنا و فى مصر يالا تعالى انا واقفة فى المطار اهه مستنياكى يا قمرة
ربنا يرضيكى و يراضيكى يا رب


حلومة طمنينا عليكى النهاردة التلات
ان شاء الله الدكتورة تطمنك يا رب


فلونا
اهلا بيكى تانى معانا
و بعدين انا فرحانة بيكى جدا يا رب ربنا يثبتك على كدة و ان شاء الله تفرحينا بيكى قريب جدا
بجد التفكير الشديد فى الحمل بياخر الحمل
ربنا يفرح قلبك يا رب
و مع الاسف انا معرفش موضوع المنظار دا بس ان شاء الله البنات يفيدوكى


زهور البستان
هو انا مش فاهمة المشكلة عندك ولا عند جوزك
بس اللى فهمته من كلامك ان ربنا كرمك باولاد بحقن مجهرى
بس ليه يا سكرة مافيش امل
او انا احب اسميها مافيش ثقة فى ربنا استغفر الله العظيم
هو ولادك اللى جم بالحقن مين اللى جابهم مش ربنا برضو
ماهو كان قادر انه ميدكمش حتى لو عملتو اللالى
فهمى جوزك ان مافيش اى حاجة بعيدة عن ربنا
انا المشكلة عند جوزى يعنى المفروض علميا مينفعش اخلف غير بحقن
بس دا العلم و سبحانه فوق كل ذى علم عليم
لما اتاخرت الدورة كنت قلقانة انه ممكن يكون حمل
لان فى ثقة فى رحمة ربنا و عطاءه و ان شاء الله ربنا حيكرمنا و يفرح قلبنا كلنا يا رب


ميوفينى
الحمد لله انك بخير
بصى لما جوزك يقولك بدرى على العيال قوليلو ايوة طبعا بدرى
بس افرض ان حد فينا عنده مشكلة
اهو نتعالج لحد ما نكرر اننا نجيب عيالو اذا مافيش يبقى خلاص نستنى لحد ما ربنا يكرمنا فى وقته
و بهدين يا ست البنات
كلوميد من غير متابعة تبويض عند الدكتور = تكيس
لكن اذا اخدتيه مع متابعة متقلقيش خالص لان اذا عمل كيس مش تكيس الدكتور بيديكى حبوب بينزله على طول
و دا حصل معايا مرة
اخدت نوفلدكس و الدكتور تابعنى لقى عندك كيس ظهر ادانى حبوب منع الحمل لمدة 15 يوم و نزل مع الدورة على طول
و مظهرش تانى خالص
و اذا كان جوزك حيكون مسافر وقت التبويض بتاعك الشهر اللى جاى دا متاخديش كلوميد و لا حجة و استنى لحد الشهر اللى حيكون معاكى و خدى بدل ما تاخدى منشطات على الفاضى
ربنا يفرح قلبك يا رب



زوزة السكرة
انا ان شاء الله يا ست البنات بفكر انزل مصر على شهر 6 بأذن الله
هانت ان شاء الله
المرة دى حاسة الوقت مش بيعدى مش عارفة ليهمع انى رجعت الكويت من 3 شهور بس
ربنا يقرب البعيد يا رب


باقى البنات تقبلو تحياتى


رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة