المشاركة الأصلية كتبت بواسطة أحاسيس متناثرة

اللي يظهر لي إن الزوج لم يطلقها لأنها ما صلحت له عشا

طلقها لأن أم الزوجه وزوجته تكلموا بولد عمها قدام عيونه

ويمدحونه ويفضلونه على زوج بنتهم

هنا ثارت ثائرته وانتصر لكرامته

وطلق بالثلاث في لحظة غضب

ولسان حاله تروح تتزوج ولد عمها ونشوف مين الأحسن

وبصراحه أنا ما ألوم الزوج على زعله وغضبه لأن هذا شي خارج عن ارادته ويشوفهم ينهشون برجولته قدام عيونه غصب عليه يغضب

لكن ألومه على تسرعه بالطلاق

إن كان ولا بد إنه يأدبها يقول لها اجمعي اغراضك وورقتك تجيك بعد كم يوم وروحي تزوجي ولد عمك

تهديد فقط لكي يشعروا بغلطتهم ويعتذروا ولا يتجرأ أحد منهم ينهش برجولته وكرامته قدام عيونه

قل لصديقك يستهدي بالله ويروح يسأل شيخ عن طلاقه هل يقع أو لا

وإذا كان ما وقع أو يحتسب طلقه واحده يرجع زوجته لاسيما أنها اعتذرت له واعترف بغلطتها

والمسامح كريم