السلام عليكم حبباتى
يارب يكون الجميع بخير بأذن الله

بسمه حياتى احنا كلنا هنا اخوات بالعكس ادخلى وفضفضى ولا يهمك ...بس استحلفك بالله بلاش التفكير الكتير فى الحمل صدقينى النفسيه هى أكبر معيق للحمل ...وقدامك تجربتى انا والله أنا كنت مش بس بنام وبصحى بفكره الحمل لآ الموضوع تحول الى حزن دائم وكل اللى يشوفنى يشعر انى متلى ميت ( بعد الشر طبعا)
بس صدقينى كان باين عليا قوى و مرت فترات كتير وانا تبويضى مش هاقولك كويس لا تمام التمام ومع ذلك لم يحدث حمل اولاطبعا دى اراده ربنا ولسه أكيد الوقت اللى ربنا محدده لم يحن بعد

ثانيا طبعا القلق النفسى والبكاء ربى ما يرجع هذه الايام ...انا يمكن دلوقتى بقى تفكير الحمل بالنسبه ليا أهدأ اه بفكر مش هكدب واقولك مبفكرش لكن بفكر من ناحيه ايجابيه يعنى بقول انه باذن الله ربى هيرزقنى وبطمن نفسى انى الحمد لله احسن من غيرى كتير ربى يعافى كل المسلمات
لازم تفكرى فى أى شئ يفرحك بالنسبه لموضوع الحمل.....يعنى تفألى انك سليمه الحمد لله ومشاكلك بسيطه وان زوجك سليم الحمد لله وانك لكى مده صغيره متزوجه و صدقيننى هذا التفكير سيفيدك كتير ويعطيكى أمل ...يعنى بأختصار أنظرى لنصف الكوب الممتلئ وليس الفارغ

ثالثا وده الاهم لازم تشغلى نفسك بشئ لازم ...انا من فتره فكرت أعمل دبلومه انا انهيت دراستى الجامعيه لكن يمكن ان اعمل دراسات فى تخصصى والله فكرت أكمل لكن طبعا احنا فى وسط العام الدراسى يعنى لازم انتظر العام القادم..
ففكرت ان أدخل كورسات أنجليش او كمبيوتر اى شئ أشغلبه تفكيرى عن الحمل لان فكره الشغل زوجى رافضها
حاولى تشغلى نفسك بهذه الافكار واذا لم تنفع ممكن تتسوقى مع اصحابك وتخرجى المهم اعملى النقيض لفكره الحمل عشان مايتاخرش حملك

كنت قرات هنا فى المنتدى من فتره عن سيده متزوجه منذ أكثر من 11 سنه وعملت المستحيل هى وزوجها للحمل ولم يشاء ربى فنصحتها احدى صديقاتها بالذهاب الى صاله للألعاب الرياضيه كنوع من كسر الملل الذى تعيش فيه فاصبحت تذهب يوميا وكونت العديد من الصداقات وفى نهايه الشهرين جاها أغماء ووذهبت للطبيب وعلمت بالحمل تخيلى قد ايه النفسيه التمام ليها تاثير وخصوصا لو انتى سليمه وزوجك كمان

على فكره موضوع الرحم المائل والمقلوب ده لاشئ على الاطلاق اولا مش بيعمل الم على الاطلاق لانه مش مرض اصلا ده وضع الرحم كده فأكيد الالم كان من شئ اخر ممكن تقلصات القولون مثلا
انا رحمى مائل او مقلوبب كما يقولون والله كل الطباء اللى ذهبت عندهم لم يعيروا الموضوع اهتمام ويقولوا انه موديل الرحم بتاعك ليس اكثر ولا أقل يعنى لا تعتبريه مشكله وتحطيه ضمن اهتماماتك بالعكس لا تفكرى فيه ولا تذهبى لممرخه ولا غيره ...الرحم موجود بداخل التجويف البطنى ومش من المنطقى ان بالتدلليك هيتغير وضعه ما تتعبيش نفسك على الفاضى بس نصيحتى ليكى بجد
انك أثناء الجماع تنامى على بطنك وليس ظهرك ...لان ده بيساعد الحيوانات المنويه انها توصل للرحم لكن بالوضع العادى واحنا رحمنا اصلا مقلوب مش بتوصل بسهوله وده بيأخر الحمل المهم يكون الجماع بالوضع الفرنسى وحاولى تحطى مخده تحت بطنك ليكون الرحم أعلى من الطبيعى لتصل الحيوانات المنويه بسرعه للرحم ...اكتر من كده كتعمليش ومتفكريش فى الموضوع اصلا
استغفرى ربك كثيرا واقراى قران وسوره الأنبياء كما قرات هنا فى المنتدى وسوره البقره طبعا ...واكثرى من قول (ربى لا تذرنى فردا وانت خير الوارثين) ربى يعطيكى ويعطينا عاجلا وليس أجلا يااااااااااااارب وطمنينا عليكى دائما
عاشقه الطفوله _ واحه مصر تسلموا يارب تكونوا بخير . كل البنوتات بحبكوا فى الله ربى يهنيكم ويرزقككم جميعا