الاخوان والاخوات ماقصروا بالحلول اللي قد تصلح الوضع وتوصل الرساله للزوجتك
بس انت مو مقتنع انك غلطان
ولا انت حاس بحجم المشكله ,,,او بالاصح ماتبي تحس
لانك ماتدورحلول انت تدور اعذار لك ومبررات عشان زوجتك ترجع طبيعيه _ الله يكون في عونها _
ولانت حاس بوضعها وبالالم اللي تحس فيه واللي مسببه برودك واحساسك ان مشاعرها وكرماتها مالها اي قيمة عندك ولاتساوي اكثر من هديه وعشاء بس ولاتتجاوز ذلك ..


كل اللي تبيه البنت من زوجها انه يكون سندها والبنت يتميه يعني في اشد الحاجه لك فلا تخذلها

والحضن الدافئ اللي يلمها لو صكت فيها الدنيا عشان تبكي وتخرج كل اللي في صدرها من اهات وحزن

وشخص يسمعها ويحاورها ويتكلم معها عن خصوصيتها ومشاكلها هي وهي وحدهــــا

والقلب العطوف الي يرحمها ويبين هذا على اسلوبك وتعاملك معها
يعني مثلا لو تاخر الغداء ممكن تقول : يلا ياعمري اسرعي لاني بتأخر على موعدي اللي خبرتك عنه
بدل ماتقعد تصارخ عليها وتخرعها ,,,

الرجل القووي اللي يدافع عنها ويحميها
لاسف هي تبي اللي يحميها منك ,,,ولاجل كذا خايفه منك لانك تتقوى عليها

ةتحب تسمع كلمه طيبه تين حبه لها وخوفه على مشاعرها

يعني ممكن تقولها انا ادري ان جرحنتك وفاجأتك بتصرفي معك واسف على االي حصل
لكن اوعدك ماراح تتكرر وراح اعيشك بحب واكون حنون معك واعوضك عن الفات فديت عيونك و...و..
وتغزل فيها

مو تقول اسف بس
وتجي ماشي وتبي البنت تنسى كل شي وتسامح ببساطة ..