انا مثلك حملت على ابني وعمره 5 شهور وانصدمت جدا جدا مو اعتراض بس لأني تعبت في الحمل والولادة وانا من النوع الي اتوحم كثيييير واتعب
وتوني بأتفرغ لنفسي من بعد التعب لكن ارادة الله فوق كل شيء
وغير ان عندي طفلين كمان بس الحمدالله شايلين نفسهم
وكنت ابي اقعد فترة على ماأكبرهم بعدين اجيب الرابع وخاصة اني تزوجت صغيرة
وكاسر خاطري ابني الصغير بعده يرضع وفطمته واتوحمت كثير واهملته
لكن الحمدالله عندي خادمة تساعدني فيه
والان خف الوحم ولله الحمد والمنة وبدأت اتقبل الوضع واهتم في ابني وارعاه
بس احاتي لمن اثقل شلون بشيله 
عموما لاتقلقي اذا مرت الثلاث الشهور الاولى بسلام
بعدها تقدرين تهتمين في بنتك وتعتنين فيها
وحلو انك تجيبين لها اخ او اخت يصير قريب من عمرها تلعب معاه
صحيح بتتعبين معاهم لكن لمن يكبروا بترتاحين وبيصيرون اصدقاء
بالنسبة للشغل اذا ظروفك تسمح انك تشتغلين وفي احد يهتم في بنتك في غيابك
ويهتم في البيبي القادم فأنصحك انك تتوظفين لضمان المسقبل الامن لهم
والقيصيرية لاتشيلين همها صحيح ان هي مو زين انك تحملين بسرعه لكن مدام انك بكريه وهذي اول عمليه فأن شاء الله الله ييسر امرك وتولدين هالمرة طبيعي
اعرف ناس من قرايبنا حملوا بسرعه مع انهم اكثر من مرة ولدو قيصيري لكن ماشاء الله الله سهل لهم وتمم عليهم بخير
والله ييسر امورك ويسهل عليييييييييك
.
.
__________________
اللهم احفظ اطفالي من كل سوء يارب
اللهم اهدهم واصلحهم ووفقهم