انتى اعقل من كده...الله بقى

انا عارفه انك مولعه من جواكى ان ليه تبقوا اخوات وتكدب عليكم

يا حبيبتى عاوزاكى تفرقى بين الكدب والمبالغه

هى بتبالغ، يعنى بترسم صوره الغنى وهى مش غنيه

عارفه لو واجهتيها هتوغرى صدرها منكم واليك الحوار المتخيل
- انتى بتكدبى وحاجتك احنا عارفين اسعارها وعارفين انها مش بالاثمان اللى بتقوليها
- انتوا ليه بتبخسوا بحاجتى الارض طاب والله العظيم بالسعر اللى قلته
(لاحظى انك هنا هتخليها تشيل ذنب اكبر وهو الحلف كدب )
- لا احنا شفنا الحاجه واسعارها غير
- انتوا بتحقدوا على وبتغيروا منى وبتتهمونى بالكدب حرام عليكم ، انتوا فاكرين ايه انى بكدب ليه وللا انتوا بس اللى اجوازكم كويسين واحسن من جوزى
(لاحظى الموضوع هياخد منحى تانى خالص مش الكدب لا هيبقى ان راجلها قليل او هى قليله)
-احنا اخواتك ابقى بالغى عند اى حد تانى مش اخواتك احنا ستر وغطا على بعض وما يهمنا تجيبى ب10 وللا ب1000
- انا مش بكدب بس انتوا اللى الغيره هتموتكم،انا غلطانه ان بعرفكم شىء اصلا
وانتوا اصلا تدوروا ورايا ليه وتسالوا الحاجه بكام انتوا عاوزينى اطلع كدابه وخلاص وللا انتوا عاوزين ايه منى؟

فجأه يا هند الموضوع هياخد منحى وحش اوى والكل هيغلطكم لانكم ما سترتوا كدبها على فرض ان ده كدب
واوغرتوا صدرها

عارفه تواجههيها امتى؟ لو المواجهه فيها فايده

اقعدى مع نفسك واسالى نفسك قبل اى تصرف فى حياتك ايه الفايده اللى هتعود عليكى من تصرفك اللى هتعمليه؟
لو لقيتى فايده اعملى اللى براسك لو ما لقيتى فايده ما تعملى اللى براسك او التصرف الملح اللى عاوزه تعمليه
لو لقيتى فايده اعمليه

انتى متخيله انها هتراجع روحها مثلا وتقول غلطت فى حق اخواتى او انا ليه بخبى عليهم
لا يا حبيبة قلبى
عقلها وشيطانها هيقولوا لها انكم انتم الغلط
مش هتستفيدى اى حاجه صدقينى

احنا بنحبك وعشان كده بننصحك
عارفه ان الغيظ واكلك بس بعد شويه هتتعودى على حركاتها وهتتبسطى اوى من نفسك انك عارفه انها بتكدب وعامله نفسك عبيطه صدقينى