صباح الفل يا قمرات

معلش غبت عنكم بس مكانش فى حاجة اكتبها

المهم


الف مليون مبروك يا ام وليد
حبيبتى اذا بان خط تانى و لو خفيف ذى ما بتقولى يبقى حمل الحمد لله
روحى اعملى تحليل دم بسرعة عشان تفرحينا بالتاكيد
انا فى حملى عملت تحليل البيت و طلع خط خفيييييييف جدا ذى ما بتقولى و بعدها بشوية نزلت عملت تحليل دم بان انى حامل و كانت النسبة صغيرة عشان كدة الخط التانى بان خفيف
بس المهم انه بان
و الف مليون مبروك يا قطة

حلومة حبيبتى ربنا يطمنا عليكى يا رب
حتروحى للدكتورة تانى امتى؟

ام بسمة
انا قريت مشاكتك و بقيت مش عارفة ارد اقول ايه عشان موضوع الربط دا
بحس ان الكلام دا من جوانا احنا و انه مش موجود فى الدنيا اصلا
و انى لما اؤمن بموضوع الربط دا بحس انه نوع من انواع الشرك بالله
اقولك على حاجة
انا جوزى بيؤمن بموضوع الاعمال دا
و انا لا اؤمب بيه على الاطلاق بحس انه هبل كمان
المهم لما جيت اعمل الحقن
قالى لو محملتيش يبقى اكيد فى حد عامل لنا عمل "هو بيشك دايما فى مرات اخوه"
المهم دعيت ربنا انه يوريله ان الكلام دا هبل
و فعلا الحمد لله حملت
يعنى اذا فرضنا ان فى حد بيعمل اعمال ربنا حيمشى مصايرنا بالاعمال دى ولا باللى هو محدده لينا؟
و بعدين موضوع الربط دا بيكون موضوع نفسى من الزوج او الزوجة يعنى مننا احنا لنفسنا
ربنا يكرمك و يفرح قلبك يا رب

نعومة بجد كدة زودتيها جدا جدا
ايه كل الغياب دا؟
يا بنتى طمنينا عليكى
ولا انتى ربنا كرمك و مش عاوزة تقوللنا؟


باقى البنات عقبالكم ذى ام وليد لما تفرحونا ذيها كدة



رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة