السلام عليكم ورحمة الله







امس كنت في حفلة عشا ... الحفله كبيره نوعا ما




المهم كنت عند المرايه اعدل في نفسي بعد ما شلت العبايه









جت جنبي وحده تقرب لي .. عساها بعقرب اسود زي الليل البهيم يجي يلدغها في قلبها وارتاح منها

انسانه حسوووووووووووووديه والبركه في امها ... هم احد اسباب معاناتي بهالحياه ... وبسببهم وغيرهم جالسه اتعالج بالقران

حاولوا ايام خطوبتي يلهفون زوجي علي .. ويعطونه هالقريبه القذره ( سوري ع الكلمات بس من القهررررررررررر )


المهم جت السخيفه جنبي وهي انسانه ( كثيره فيها الكلمه ) مو من عادتها اصلا تجي تسلم علي

بالعكس تطالعني وتروح .. تكبر وعنطزه .. وحرة ابو وليد انه تزوجني انا ماتزوجها هي بتموتها قهر كل ما شافتني .. تشوف الظاهر اني اخذت شي من حقها


المهم


من قبل لا توقف جنبي اشوف انعكاسها ع المرايه

تطالعني وكأنها تقول ... من اين لك هذا ...

قلت في نفسي المعوذات يا بنت بدينا في الحسد


وقاعده اقرا ... الا جت .. واضح انها دخلت من قبل .. ومزبطه نفسها .. بس جت مره ثانيه تزبط نفسها جنبي

سلمت عليها سلام عادي

رجعت اكمل

وهي قامت تتشيغل بكحلها

شمت ريحة العطر وعلى طول طلبت فيه وعطيتها بخت منه ..وتسألني عن قيمته قلت ما ادري هديه من حماتي ( بدا الحسد هنا ..)

الا تقول ... كاشخه ... والله بينت عليك النعمه !!!!!!!!!!!!!!!!!!!!!!!!!!!!!!!!!


قامت تضحك .. ( على خيبتها )

طالعتها : قلت ليه بالله من متى انا مو باينه علي النعمه والا ما عندي ذوق ؟ اصلا لو ما اعرف اكشخ ماكان اخذتي فستان زواجي ولبستيه في زواجك .. !!!!!!!!!!!!!!!!!!!

هي : بدت تصفر .. قالت : ماقصدي الله يطعمك يختي ..( ماعملت حساب هالنقطه الغبيه )

انا : الحمد لله.. الله رازقني وفوق ما ابي ...( وعلى نياتكم ترزقون ) هنا بدت ملامحها تقلب ..لأني بديت اشكك في نيتها معناته

هي : وشفيك مليانه كذا ؟ مو عارفه تنحفين كل هذا حب أكل؟ ( وقاحه صرف ومو عارفه وش تعيب فيني )

انا : اكل؟ بالله هذا كلام من وحده عاقله ( يعني انتي مجنونه ) عموما شكلك في كوكب ثاني .. وماتدرين مع ان الناس كلهم يدرون .. اللي مزود وزني كذا .. هرمونات .. عشان اجيب اخوان لولدي

لكن المسكين صدق اللي قصير ومو قادر ياكل لأن مافيه طول يساعد .. ( هي قزومه ) .. (كل هذا وانا اعدل في نفسي ولا اطالعها الا بطرف عيني لمحه وبس وبهدوووووووووووووووء صوتي ) ..

كملت ...

بعدين نفختي بسيطه جدا كلها عشره كيلو زياده ع المثالي ..وكذا كذا عاجبه (......) قلت اسم زوجي الصريح عشان افقعها ..
الله لا يحرمني منه فديته -- قلت هالجمله لها برضو


هي بدت تتلخبط .. لأن من طبعها هي واهلها كذا ... اللي يقهرهم يروحون عليه يشوشون تفكيره ويحطمونه ويحسسونه انه غلط ...ومو متعودين ابدا احد يرد عليهم .. شكلي انا رقم واحد


ياليتها استحت على وجهها وما تبقى من ماء فيه وانقلعت

لا كملت مهايط ..

هي : الحمد لله الذي عافانا .. ( قصدها ان فيني بلا عشان الحمل ) ..الحمد لله انا كله طبيعي ..

انا : وبالغصب بعد عن زوجك !!!!!!!!!
هي قامت تضحك ضحكة فشيله .. لأنها قبل فتره قالت بلسانها انها ماتحمل الا غصب عن زوجها والا هو مايبي عيال ...

هي : اشفيك .. الكلمه بعشره ؟ شكلك زعلانه مع زوجك ؟ وتقرب وجهها مني يعني انها تمون واني بأعلمها بالسر وحلمها وامنيتها اني اقعد في مشاكل معاه ..

انا : الله يشفيك .. لا شكلك مو طبيعيه اليوم .. انا رديت على كلامك اطلع زعلانه من زوجي ؟

هي : عادي تراني سرك وغطاك ....!!!!!!!!!!!!!!!!!!!!!!! ( مو طبيعيه من جد )

انا : ( بكل استغراب ) من متى ؟


هي : من الحين لو تحبين !!!!!!!!!!!!!!!!!!!!!!


انا : شكلك فاضيه وجايه تتسلين علي ... الله يهديك ( من قلبي طلعت رحمت حالها ) .. روحي قبل لا تنحجز كل الأماكن شوفي لك مكان اجلسي فيه ... ( كأني اكلم طفل ساعتها )

هي : انتي شايفه نفسك مرررررررررره ... على ايش ..
لا تغرك العبايه والجلابيه .. كلنا نعرف نلبس كذا !!!!!!!!!!!!!!!!!!!!!!!!!!!!!!!!!!!!!!!!!!!!




انا ضحكت من قلب والله هنا من قلب قلبي : انا ؟ اول وحده تقول هالكلام لي .. انتي .. انتي فعلا ماتعرفيني ...واشكرك على اطرائك .. اصلا اعرف ذوقي حلو من اول .. من يوم مابقي ولا وحده في الجماعه الا وطلبت في فستاني تبي تزف نفسها فيه ... ياحبكم حق البلاش ..والترزز في خير غيركم

( كلام قوي ما ادري شلون طلع بس تستاهل ... للمعلوميه فستاني راح لأربع عرايس غيري وهي اللي فتحت باب الاستخدام عليه و غصب عني )


هي .. بدت هنا فعلا الريحه الخايسه حقت اخلاقها تفوح ...وتهورت وقالت : الحمد لله انك ماكملتي دراسه .. ( لحالها اشتغلت ولسان الحسد هنا يتكلم مو هي وبهدوووووووووء تتكلم ماتبي احد يسمع قذارتها )

انا : ومن قال؟؟؟

هي قامت تبحلق فيني .. قالت : ها .. كذبي في هذي بعد .. انتي مو مكمله دراسه ..

قلت : يا ام فلان عيب اسلوبك هذا ..و انا ماكملتها لأنها ماجت على مزاجي ... لأنها مو طموحي
انا مو مثل غيري قعد يفححححط 9 سنين في الكليه وبمدرسات خصوصيات وقسم دراسات بعد ماكان علمي !!!!!!!!!!!!!!!!!
( انا هنا اخلاقي صارت صفر على اقصى الشمال )
هي هنا ولللللللللللللللللللللللعت :: قالت قصدك علي .. قلت ايه انتي ... 9 سنين استحي على وجهك .. كله عشان يقولون بنت كليه ... وقسمك دراسات بعد ما سويتي فيها زعاطه بالعلمي .. قطوك دراسات نسبتك ما تأهل ... وياليت بعد ماشيه فيه من نفسك .. مدرسات يدفونك فيه دف .. الحمد لله والشكر .. وللعلم انا رجعت اكمل وفي التخصص اللي ابيه وبمزااااااااااااااجي والبركه في بو وليد ...

( والله يا ناس انها حمرت وصفرت و زررقت وسودت من الحسد كان ودها تذبحني ساعتها )

شوي الا حماتي من داخل القاعه تدق لأني تأخرت عليها : انا قمت اخترعت التالي ابغاها تموت غيظ . قلت : اوه .. ( .....) حبي .. اسم زوجي الصريح ... عن إذنك اروح اكلم ( .....) سلام

شلت قشي وخليتها تبربر وراي والله ما ادري وش قعدت تقول ..

معلومه : لي سنيييييييين ما اكلمها .. نجتمع في المناسبات بس هي تتجاهل ..ولا بينا مكالمات ولا زيارات ولا شي ويوم جت تسوي نقاش طلع كذا !!!!!!!!!!!!!

الموقف ترى ما اخذ دقيقتين على بعض .. وقوي .. ووقح ... وكل اللي تبون ادري
بس هي بدت ... ولو زودتها بأمشي معها

اللي مخوفني الحين شخص واحد فقط

امي ... اخاف لا تكلم ام الغبيه هذي امي وتقول لها ... مع اني استبعد لأن ماجبت شي من راسي وهذيك هي اللي بدت

اللي حز في خاطري اني قلت اني جالسه اكمل دراسه .. مع ان الموضوع كان سر ...

الحين .. اللي سويته صح والا غلط .. في نظري صح وغلط
وامي لو كلمتني وش اقووووووووووووووول ... لأنها تضرب حساب للناس على حساب نفسها وحسابنا

و هي في اي مناسبه ثانيه جالسه افكر اتجنبها تماااااااااااما .. حتى لو توقف جنبي الله يقلعها قصدي خلاص ماعاد اعطيها وجه .. وامشي من جنبها ولا كأني شفتها .. اسويها مع قليلين الأدب عادي زي الحلاوه ...

افكاري صح والا لا يا ناس مشتته

__________________
[/IMG]