أتمنى أن أجهز لزواجي كغيري من الفتيات (فضفضة)
مجرد فضفضة أعذروني
السلام عليكم .. كيفكم وإن شاء الله أخباركم كويسة...
بالنسبة إلي حالتي سيئة ودمعتي مو راضية تنزل علشان تطفي الحزن اللي في قلبي, لكن أحاول قدام الوالدة والناس إني ما أبين تعاستي...جميع البنات في سني تزوجوا وخلفوا, وأنا زي ما أنا..وبنات العيلة اللي أصغر مني بيجهزوا في جهازهم, وأنا طبعا اللي أتسوق معاهم وياخذون برأيييي..وأساهم بالحلويات وغيروووووو.....
والله ياناس مو حسد مني, بس زهقت وطفشاااااااااااانة بعد, وأنا شارفت على 32......
نفسي أحضر جهازي زيهم وأضحك زيهم وأحلم زيهم.....نفسي أخرج أنا والوالدة ونتناقش على القماش...أروح عند الخياطة وتفرجني على الموديلات...نفسي أنقي خاتم العقد والخطوبة...نفسي ونفسي ونفسي......
أستغفر الله الذي لا إله إلا هو الحي القيوم وأتوب إليه....
آسفة...بس هذا هو المنتدى الوحيد اللي أحس فيه لي إخوة وأخوات يواسوني وأفضفض فيه...
أشكر كل من يمر على موضوعي أخواني...ولا تنسوني من دعواتكم....الله يستركم دنيا وآخرة....
الإشراف/ تم تعديل العنوان بما يناسب المضمون . وفقكم الله
__________________
مآ هي إلآ سآعآت ، ۈ يقآل : رمضآن دخل ۈ مآ هي إلآ إيآم ۈ يقآل : رمضآن خرج ! ۈ بين ' دخول ۈ خروج ' فآئزون ۈ خآسرون : ) فيآ ربّ ، اگتب لنآ حضور شهر الصيآم ۈ أصم جوآرحنآ عن الآثآم ۈ اجعلنآ من المقبولين ۈ الفآئزين
التعديل الأخير تم بواسطة أطيـــــــاف ; 11-02-2010 الساعة 11:38 AM