بوصي يا بنتي انا مقدرة امبارح ان انتي جيتي تحكي وانتي غاضبة جدا ومش مستحملة

وكل كلامك كان بسبب كدا

وبرده مالوش عذر يعني انتي لو عملتي حركة مستفزة بإيدك على الاقل يلويها .. مش يضربك لحد ماتنزفي ..

بيضربك راجل لراجل ؟؟!!!

بوصي حسستيني انك بتتعاملي مع مسجون عارفة في السجون قي شوية توصيات بيقولوها للعساكر في السجن عشان مايعملوهاش مع المساجين زي الأي كونتاكت ( النظر مباشرة في عيونهم بقوة).. لإن دي بتمثل للمساجين نوع من انواع التحدي .. !!

هل لو الواحد عمل كدا مع اي انسان طبيعي ممكن يتنرفز ؟؟ وحتى لو اتنرفز هيقوم يكسر اللي امامه ؟؟؟

ابقي اعملي بحث في الموضوع ده يمكن يفيدك

انسان زيه يعني لازم تعرفي هل هو معاكي انتي كدا بس ؟؟ ولا مع كل الناس وهو كدا في الشارع ؟؟

كمان لو حصل حاجة في شغله بييجي يفرغ فيكي ويضربك حتى ولو كنتي غلطانه في حاجة عبيطة زي مثلا مش حاطة حاجة في مكانها في البيت ؟؟؟

هل حصل وضربك كدا بدون سبب او انفجر غضبا لوحده لسبب مايتعلقش بيكي اوي ؟؟

هل بيلوم اي حد تاني غير نفسه على أخطاؤه ومشاعره ؟؟

بوصي يا حبيبتي عادة الست اللي بتتعرض لإيذاء جسدي كبير ...

بتصدق انها تستاهل كدا وانها من غير المؤذي بتاعها ده هتموت ومش هتقدر تعيش

وانها لو سابته هيفضل يجري وراها وممكن يموتها

خلي بالك ... عيالك ونفسيتهم مهمة ... وانتي حياتك غالية عليهم

والاسئلة دي انتي كمان حرة في تقييمها من وجهة نظرك

وفي الاخر ربنا يعيينك و يهديلك جوزك ماحدش يكره انك تطلقي ..

على الاقل لو انتي عاوزة تسانديه فحاولي انه يروح يتعالج عن دكتور نفسي

__________________