اختي العزيزه ا

انا من زمان اقرا بهالمنتدى بس والله ماسجلت ودخلت وكتبت الا علشانك
انا مثل ظروفك تماما بس اسوأ والحمد لله على كل حال

سبب طلاقي مقارب لك

عمري مقارب لك .. ظروفنا كلها متشابهه كثير

عزيتي .. كل الا سويتيه غلط .. والله انا سويت مثلك واكثر ولهذا اقول لك غلط
سبحان الله حتى نوعيه ابو بنتك مثل نوعيه ابو عيالي

الرجال الا يجي يطلق ويهدم بيته ويدمر اسرته انسان مايخاف ربه ولا يسوى شي وثقي انه مابيراعي ربه فيك طالما انه بهالقسوه
ايش يعني رجال يحاول يرضي اهله بشي الله مااوجبه عليه وبنفس الوقت يدمر اسرته !! كيف بيواجه رب العالمين!!

هو حرمك من الاستقرار بس ماحرمك من السعاده .. بيدك كل شي انتي امرأه وأم
هذا اعظم شي ... المرأه هي الاقوى والاعظم يكفي رسالتك الساميه والشريفه الا هي اعظم شي بالحياه

انتي انظلمتي وربك مابيضيعك حتى لو انتي تنازلتي وسامحتيه ربك راح ياخذ حقك منه يوم القيامه
هذا الا يسموه تبعات البشر ... لو انتي قلت ياربي ابري ذمته وسامحه .. لربك عليه حق في ظلمك

حبيبتي اقري وركزي وطبقي .. اتمنى انك تكوني قدها

تناسيه تماما تماما...

قوي علاقتك بربك وثقي تماما ربك ماكتب هالشي وهو فيه دمار لك ! بالعكس ثقي ربك يختار لك ااحسن ويمكن انه اختبار فحاولي تنجحي فيه..

سوي لك برنامج ديني بعد كل صلاه تسوي شي من اعمال القربى الى الله
يعني بعد صلاه الفجر مثلا قراءه سورة ياسين
بعد الظهر استغفار الف مره.. وهكذا
سوي هالشي برضا وقناعه مش لانتظار شي .. يعني قولي انا اهم شي في الدنيا علاقتي بربي .. كل علاقات الناس ماتسوى طالما علاقتك باعظم مافي الوجود هي علاقه سليمه ربك في النهايه بيده كل شي وانتي رايحه له لامحاله مش الاولى تحافظي على علاقتك بربك !!


انتبهي لنفسك .. كملي دراسه ضروري دوري لك اي عذر ودخلي واسطات وترجيهم روحي كملي دراستك وطوري حالك .. اقري كثير وتثقفي ..مارسي هواياتك

روح نادي رياضي واستمري عليه

رتبي لك برنامج مثلا طلعه يوم بالاسبوع مع صاحباتك ويوم مع بنتك ,, باقي الايام دراسه ورياضه وهواياتك الاخرى
اهتمي ببنتك علميها بالبيت ..اطلعي معها دايما .. حافظي عليها خليها تكون مثاليه بحيث ان لو فكر ياخذها بيوم من الايام يشوف ان الكل واقف ضده لانه مابيقدر يوفر لها ولا شي من الا انتي توفريه
اهتمي بأكلها ولبسها وسلوكها
العبي معاها واطلعي وفرفشي .. خليها تشوفك الام القويه والصديقه وكل شي .. لاتبكي قدامها ولاتكوني كئيبه ابدا..

لاتسألي عنه ابدا وغيري جوالك وارفضي التواصل معه بأي شكل
حددي وقت ياخذ بنته يشوفها ويكون هالشي من طريقك زوجه ابوك مع امه مباشره
ساعتين بالاسبوع والبنت ترجع لحضنك
لاتفكري الحين بزواج ولا غيره لان نفسيتك ماتأهلك تختاري الانسان المناسب ابدا بالاضافه لانك لازم تبدأي شي وانتي اقوى من الناحيه الثقه بالنفس والعلم والدين وكل شي بالاضافه لان بتعطي بنتك حقها من كل شي الحين والعمر قدامك وانتي لسا صغيره
اطلبي من مصروف محدد ثابت شهري
حاولي تفتحين لبنتك حساب ادخار بالبنك بدون ماهو يعرف وحطي جزء من مصروفها فيه شهريا
واصرفي عليها الباقي
طنشيه ولاتكذبي وتقولي انخطبتي ولا تتبلي عليه ترا في الله فوقك وفوقه يعلم بكل شي لاتخلين واحد مايسوى يكون سبب في غضب الله عليك
كوني صح ونامي مظلومه ولاتنامين ظالمه
بتنسيه لو سويت الا قلت لك عليه
الفراغ مخليك تفكري فيه دايما
لاتكوني فاضيه ابدا.. هو بعدين بيراكض وراك .. ثقي بيشعر بالندم على كل شي وبيشوفك وحده قويه مو مهتمه له بيجي يزحف وراك
وقتها انتي ترجعي له بشروطك .. اطلب واطلبي واطلبي
الغلط ترجعين له مذلوله .. لانه بيذلك اكثر وبيعيرك كل لحظه
تبين تعيشين معاه مهدده بالطلاق اي وقت ؟؟ اكيد لا

سوي الا قلت لك عليه .. وطمنيني عليك يا قلبي


الله يكون بعون الجميع والله يغير الحال

تحياتي
*****************************

السلام عليكم اوافق كلام اختي لاني انا نفس مشكلتك وحاليا مضى على طلاقي سنه ونصف وعندي بنت وعمري 26 كانت حياتي ماشيه مافيها مشاكل ومن اول زواجي لاحظت تدخلات اهله لاكن ساكته واخر شي اقنعوه انه يطلقني وهو معترف ان اهله مايبغوني وحاليا تزوج واهله الي خطبوله وكنت معاهم سمن على عسل والله الشاهد على كلامي حتى النوم اخواته الصغار يناموا عندي وهو زيك يقربلي واهله بعد طلاقي ماكأنهم يعرفوني حتى بنتي مايكلموا ولا يطمنوا عليها ....لاكن الي باعك بيعيه وربي بيعوضك احسن منه لانك مظلومه وهئ نفسك لتقبل اي شي تسمعينه عنه مادام المشاكل من اهله عشان مايسببلك صدمه نفسيه زيي والله يعين على الدنيا كلها كبد ربي يعوضني ويعوضك ان شاء الله ......

__________________