السلام عليكم

اشكر جميع من رد .. وانا اعترف اني غلطانه ...
والحمد لله انها تلقت درس اقوى من درسي ...

والحمد لله ان امي ماجاها اي خبر بالموضوع ..ولا انا قلت لها ابدا ..


......................................

امس وقبله كانت حفلتين زواج


وخلال الحفله الأولى شفت الشيخه وخواتها جالسين على طاوله

طالعوني كلهم كالمعتاد ولا تغير في نظراتهم شي من السوء.. الا هي اكيد ... معناته الأخت .. اختهم النجيبه ما قالت لأحد من اهلها على اللي سوته معاي ... وعارفه انها لن تتكلم .. لأنها غزت غزوه فاشله لم تتكلل بالنجاح كما كل مره ...ومش حتضحك احد عليها


هذا يوم الخميس .. ولا سلام ولا حاجه



يوم الجمعه .. اتخذت اسلوب جديد في التطفل ... الا وهو انها جت وبكل جرأه و جلست على الطاوله اللي جنبي

وظهرها بظهر حماتي .. مع ان الطاوله اللي هي عليها كلهم اجانب عني وعنها .. وشكلها يضحك بينهم ... تاركه اهلها وجالسه بين غرب .. تبي تقرب تسمع سوالفنا .. (طبعا بدون اي سلام )

ولا استفادت لأن من طبعي انا وحمواتي واهلي ان سوالفنا بصوت هادي .. اختي جنبي ماتسمع سوالفي مع حماتي او اختي الثانيه ... فكيف هي اللي على طاوله مختلفه !!!!


بعد مده بسيطه اكتشفت انها لن تقدر على سماع شيء من ( الأسرار في نظرها )

فقررت ان تتخذ اجرأ خطوه شفتها بحياتي ... الا وهي ان تجلس جنب حماتي .. اكبر وحده ... على نفس الطاوله

مو عارفه على اي اساس هي اختارتها من بين الكل !!!!!!!!!!!! بس الظاهر انها متخيله ان علاقتي فيها سطحيه او ان بينا عداوات .. ماتدري اننا الحمد لله سمن على عسل واحلى بعد ... ياربي لك الحمد .. هذا غير ان حماتي لاصقه فيني فتبيني اسمع سوالفها ولا اقدر اعترض!!!!!!!!!!!!!!!!


راحت جنبها وبدت تسلم عليها ... وحماتي مستغربه .. مين هذي اللي جت كذا وبدون احم ولا دستور وسحبت كرسي وجلست وتسولف ... انا سكت .. ماتكلمت ولا تدخلت بس واضح ان الوضع مره مو عاجبها ...


فجأه حماتي قطعت الكلام... قالت لها انتي مين ؟ قالت انا فلانه اقرب كذا كذا لمرة اخوك ( مالي اسم !!!)

قامت قالت اييييييييه اهلين( ببرود والشيخه انحرجت لأنها تفكر نفسها معروفه على جميع الأصعده .. اهل زوجي من مدينه ثانيه تماما عن مدينة اهلي واحتكاكهم بأهلي فقط مو بجماعتي او اقاربي الباقين) .... حماتي صارت تحاول انها تقطع اي سالفه معها ... بينهم فرق في العمر لا يقل عن 20 سنه ... وش اللي ممكن يكون مشترك بينهم في السوالف ..؟ مستحيل طبعا يكون فيه اي شي .ولأن اصلا مافيه معرفه مسبقه .. بس برضو هذي نقطه فاتت المتذاكيه...


التفت على اختي وعطيتها جوالي من تحت الطاوله وقلت لها اكتبي هالرساله وارسليها لحماتي هذي..ارسلت لها : قومي واذا رجعتي سوي نفسك مزحومه وانا بقوم من مكاني.. واجلس مكانك)



وفعلا قامت ... وارسلت لي من داخل (الله يعتقك من عذاب النار ياشيخه وش هذي!) ( شفتها بعدين )

والشيخه جالسه بكل ثقه ..

في هذه الأثناء طبعا لا سلام ولا كلام بيني وبين الشيخه .. جالسين نطالع في الناس بصمت ...واسولف مع خواتي اللي برضو ماسلمت عليهم وهي اللي جايه علينا مو احنا عليها ...

بعد كم دقيقه رجعت حماتي وسوت نفسها مزحومه وانها ماتقدر الا تجلس في كرسيي .. فقمت وجلست انا في كرسيها اللي هو جنب الشيخه

حست ان فيه شي غلط صاير .. سكتت اول عشر دقايق تقريبا بعدين رجعت تسولف مع حماتي وانا بالنص مطنشتني

والله اني اضحك في قلبي .. قلت هذي ميؤوس منها ..


وانا ساكته وعاجبني الوضع تماما خصوصا ان حماتي صارت بس كلمه ورد غطاها ولا عطتها ريق حلو مع انها ماتدري عن فضايحها ابدا ..لأني لو بأتكلم عن فضايح احد يقرب لي قدام اهل زوجي يمكن صورتي تهتز قدامهم ويفكروني مثلها --- بعيد الشر يارب ..واصلا مو من طبعي افضح بحد .. بس هنا لأن محد يعرف احد وفضفضه لا انفجر ..والله يتجاوز عن الجميع ..وهذا اول موضوع لي بهذا الشكل والاخير ان شاء الله ..

في الأخير قامت الشيخه واخذت لها بنفسها كف العمر من حماتي ... لطمه على وجه تاريخ غزوات الكبر والغرور حقها ..


قالت لها .. ممكن جوالك ( بكل ثقه .. كأنها تقول ... ابي جوالك من الأخير اخذ اخبارها منك على انفراد )

والله اني عرفت ان اخر الجلسه رح تطلبها في الجوال عيني عينك .. اني رح اعرف اخبارك يامشكلتي من حماتك ورح اصير صديقتها واموتك قهر


حماتي قالت لها وبدون اي تردد .................................................. ..................................آسفه حبيبتي ..بدون اي تبريرات ...


هذيك صارت تتلون .. بجميع الوان الطيف ... واعتقد جاها ارتفاع وانخفاض في الضغط والحراره والتوازن .. واعتقد قلبها وقف لحظات .. من الصدمه .. اقوى من صعقه كهربائيه بقوة عشره الاف فولت مدري واط بس في وجهها ..


استغفر الله العظيم من كل ذنب عظيم
( ما احب اكون انفعاليه كذا بس هذي اجرأ مواقف مرت علي الى الان )




جتني قشعريره في جسمي ... حسيت ان هالحركه اقوى من كلامي لها ... رفض صريح لأي علاقه وبالفم المليان ... ومالك شي عندي بعد!!!!!!!!!!

طبعا طاح وجه الشيخه .. و قامت تلقط فيه استغفر الله ... والله اني رحمتها مرررررررررررره بس تستاهل
خواتي صاروا يكتمون الضحك .. ومستغربييييييييييييييييييين ان موقف يصير بهذا الشكل وقدامهم...

قالت فرصه سعيده... حماتي قالت شكرا" بدل ماتقول انا اسعد ...يعني حتى في هذي ما فرحتها ياربي لك الحمد

انا قلبي صار يرقص فرح .. ان الله ردها على اعقابها خاسره كسيره متفشله.. وكله بدون ادنى مجهود بالكلام مني

كملت هذيك الحفله وهي تلعب بالجوال والله ماعاد رفعت راسها ابد ابد ابد ......... فعلا ربي يمهل ولا يهمل .. وخلى تدبيرها في تدميرها ...


حماتي صارت تسألني .. هذي ايش ؟ وكيف تجي كذا ؟ لا تزعلين مني بس ماعندها اسلوب ...الله يهديها والله حركتها مره غلط ... وانا اقول الله يهديها مو مركزه او مشتته ..او بس ماعندها اسلوب تعارف الله يهديها ..







بعد عشر دقايق تقريبا من الموقف
كان نفسي اروح اطبطب عليها اقول لها معليش .. ماكان ودي لك بهذي الكسره الجامده ... واني ارحمك مره مره مره
وادعي لك الله يخفف عنك من شر هالحسد..



بجد صعب علي حالها بس هي جابته لنفسها

ما اعتقد بعد هالموقف رح تتجرأ تتعدى حدودها من ناحيتي .. مع اني الى الان اتسائل ليش هالتعديات وبهذا الشكل السافر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

واسأل الله انه مايصدفني على هالمواقف ابد .. ويسامحني ويتجاوز عن كلامي لها ..

ويهديها ويصلحهااااااااااااااااااااا لنفسها ولعيالها ولزوجها لأن حتى هو بدا يمل منها ... اشغلت نفسها بالناس الله لا يبلانا ...ويجعل هالمواقف اخر خرابيط لها يارب


سامحوني ع الموضوع اللي يغث بس لو ما اشتكيت لحد بأموت قهررررررررررررررررررررررررررررررررررر

__________________
[/IMG]