عضو الهيئة الطبيبة -طبيبة تشخيص مخبري
تاريخ التسجيل: Jan 2010
المشاركات: 621
كيكة الأناناس
السلام عليكم .. كيفكون يا حلوات
مبارح عملت كيكة الأناناس و ورجيتها لماريا قالتلي نزليها بالمنتدى 
بس اذا في حدا عاملها من قبل .. معلش هي بتصير للتذكير ..
انا تعملتا من قرايبة زوجي و لكن أخدت طريقتها من موقع لطباخة حلبية
رح ابدا ب
المقادير
الطبقة الأولى
كاسة سكر
100 غ زبدة (بس انا استخدمت 50 غ )
شرائح أناناس (حسب حجم القالب)
الطبقة التانية
هي الكيك
5 بيضات
كاسة سكر
ظرف فانيلا
ظرف بكينغ باودر
بشرة برتقالة أو ليمونة (لحتى ما يضل زنخة للبيض)
عصر الأناناس (يلي بالعلبة)
كاسة و ربع طحين
و ممكن تحطي ربع كوب زيت نباتي
طريقة العمل
الطبقة الأولى ذوبي الزبدة و ذوبي فيها السكر حتى يصير كرميل صبيه في القالب أو صينية التيفال
انتبهي منيح ... ما تحرقيه !!
رتبي شرائح الأناناس فوق الكرميل (في الصينية)
الطبقة التانية
كيك عادي بتبدي بالبيض .. الفانيلا .. بشر البرتقال .. السكر ... الخ
اسكبي المزيج على الطبقة الأولى و ضعيه بالفرن و اخبزيه (يستغرق 25 دقيقة)
و هي صورته بعد الخبز
انتظري شوي (حوالي 10 دقايق) و اقلبيه في الصحن الي بدك تقدميه فيه
انتظري ليبرد و قدميه
و هي صورته و هو جاهز
و صحتين و هنا
التعديل الأخير تم بواسطة ميــس ; 13-02-2010 الساعة 06:48 PM