بصى ياروح أحسن لك تعملى مزرعه الالتهابات دى اللى عملتها امبارح ....دى بتبين اذا كان فى التهاب ولا لآ ولو فى بتبين نوع الألتهاب روحى اى معمل فى بلدك واعمليها وتوفيرا للوقت اسألى علي التحليل وعلى الشروط
هو تقريبا الشروط ....انك تكونى مش واخده قبلها اى مضادات حيويه وانك قبل التحليل بساعتين على الاقل ميكونش فى تشطيف وبس ........وحتى لو المعمل مقالكيش على الشروط دى اعمليها عشان تضمنى سلامه العينه " بقيت بتكلم زى بتوع المعامل"....من كتر ما انا لا جئه عندهم
المهم يا حبيبتى متخلش حاجه تزعلك قوى كده ولو جت يا ستى على الألتهابات فهى سهله ... واكيد انتى عارفه تدخلات الناس اللى ما لها نهايه ...اكيد جوزك متضايق من الكلام ده عشان كده زعله كله طلعه فيكى انتى ....
معلش والله كلنا مرينا بالكلام ده ويمكن والله بالحرف الواحد ...لكن ادينا بنعمل اللى علينا ...أنتى كمان أعملى اللى عليكى ومتضيعيش وقت .....ربنا يرزقك ويطمن قلبك
بالنسبه لكوكار حبيه قلبى ...... والله انتى عسل ..واثبتى انك مصريه ميه بالميه بعد فكك دى ..خدتى علامه الجوده
بصى يا ستى انا موضوع تحليل بعد الجماع ده كنت عاوزه اطمن قوى مش اكتر وجوزى كمان لان الصفر كانت معناها يخوف بصراحه ....وبالنسبه لموضوع الاجسام المضاده ...انا مطمنه الحمد لله انه سلبى بس بحب اطمن نفسى كل شويه لانى موسوسه جدا من الناحيه دى ..خصوصا ان موضوع الحمل ده جابلى هسهس
وبالنسبه لموضوع التلقيح والله نفسى جدا جدا ...بس زوجى مش راضى بيقولى خليه اخر حاجه ...مش عارفه هو فى اخر بعد اللى احنا فيه ..حاسه انى فى الاخر مش عارفه اعمل ايه بعد كده..
المهم بما انك خبيره ....عاوزه اعرف منك عملتى التلقيح بكام فى مصر ...وفين ؟؟؟؟
انا دلوقتى بروح عند مركز الدكتور " محمد مقبل" وده مركز كبير فى مصر الجديده بس عاوزه اعرف الاسعار قبل ما اسألهم
ربنا يرزقنا جميعا .......وبوسيلى كريم القمر
نسيت اقول لكل البنوتات .......كل سنه وانتم جميعا طيبين ........حبوا ازواجكم ومتتخناقوش انهرده ده يوم مفترج واللى بعيد عن زوجها تبعت له مسج تقوله بحبك ( سامعانى يا روح ) واللى جوزها معاها مش هوصيها هيه عارفه هتعمل ايه !!!
سلامى للجميع بدون استئناء ...بحبكوا فى الله