الحمد لله ان فى حد اقدر افضفض له ....أخواتى حدث لى موقف من ساعات فقط ولكن ضاق صدرى منه ... مثلت امام زوجى انى ليس بى شئ وانتظرت نومه ودخلت عالنت لأشكى لكم

ماحدث هو اننى لى قريبه تعتبر اخت لى طوال حياتنا قريبين من بعض كأخوات ...تزوجت من عده اشهر وسافرت الى بلد أخرى ...المهم كلمتنى من ساعات واخبرتنى انها حامل ...فرحت والله لها من قلبى ولا أكذب عليكم حزنت ولكن على نفسى وتمنيت ان اكون انا التاليه بعدها فى الحمل فى العيله
المهم كلمت قريبه اخرى لنا لأخبرها بخبر حمل قريبتنا وانا فرحانه لها وربى يعلم واريد ان اخبر الجميع ليفرحوا بها..........وفوجئت بانها تقول لى انها حامل من اكتر من 3 شهور..

سكتت وصدمت و حزنت جدا ..لماذا لم تخبرنى قبل ذلك وانا تقريبا مرتين فى الاسبوع معها على النت نتكلم ونحكى ونهزر ...احنا تقريبا اخوات
لماذا خبت .. خايفه منى أحسدها أو أحقد عليها ....طب لو حد مش عارفنى اقول طيب لكن هى واثقه اننى مش ممكن افكر كده ...وانى مؤمنه وعارفه ان كل شئ بيد الله ومش ممكن اكرهها او اكره لها الخير ابدا ابدا

شعرت بكسره نفس وحزن شديييييد خفت اخبر امى عن حزنى منها ...لانها اكيد هتفهم ان حزنى بسبب الحمل نفسه
محدش بيحس ان موضوع أخفاء الحمل أصعب بكتيييييييير من موضوع الحمل نفسه..عشان كده فضلت محكيش لأحد لان محدش هيفهم سبب زعلى الكل هينظر للسبب التانى ...لكن اكيد انتوا هتفهمونى صح

تظاهرت امام قريبتى الاخرى اننى عاديه ...كفايه الاحراج طبعا انها تعرف اننى لسه عارفه موضوع الحمل الان

كنت عارفه ان الناس وحشه مع بعض ... لكن والله اول مره احس ان حتى الناس القريبين من قلوبنا ممكن يكون بداخلهم الاحساسيس دى
اللى حزننى انها خايفه منى ...معقول تتخيل انى حتى ممكن اتمنى لها مكروه او احسدها
طيب كنا وجه لوجهه على النت ايام كتيره قدرت تخبى ازاى عنى
حاسه انى مشتته ومش مصدقه انها تعمل كده معايا ...الله يرحم الايام الحميله اللى بيننا لانى خلاص بجد حاسه اننى اخدت منها موقف طول حياتى لانها اختى
انا قلت افضفض معاكوا لانى لو مكنتش اتكلمت كنت اتخنقت قوى ...جزاكم الله خير انكم اديتونى فرصه اتكلم ...سلامى للجميع