منتدى عالم الأسرة والمجتمع - عرض مشاركة واحدة - افيدوني عن تأخر حملي ووش فايدة متابعة التبويض ؟؟

16-02-2010, 05:43 PM

sakura chan

عضو دائم

تاريخ التسجيل: Feb 2010

المشاركات: 55

افيدوني عن تأخر حملي ووش فايدة متابعة التبويض ؟؟

بسم الله الرحمن الرحيم

السلام عليكم ورحمة الله وبركاته

اولاً : أشكر الدكتورة بنت النيل .. على المعلومات الي كتبتها في هالمنتدى الجميل
انا قبل شوي كنت أبحث في قوقل ودخلت بالصدفه على استفسار كانت بنت النيل راده عليه وحاطه روابط
ومن رابط لرابط وانا اقرا مواضيعها الشيقه والمفيده ماشاء الله ..
وهي سبب تسجيلي في هالمنتتدى بعد الله..
وحبيت اني اكتب لكم استفساراتي لعل وعسى اني اجد لديكم من يجيب عليها ويفيدني وجزاه الله عني خير الجزاء..

ببدأ لكم من الصفر عشان تكونون على بينة

انا متزوجة من 7 شهور تقريباً ولله الحمد.
عمري 20 سنه .
ساكنه مع زوجي في مدينة قريبة لقريتنا لظروف عمله ودراستي .
يعني بالعطل الاسبوعيه وغيرها نزور اهلنا في القريه الي تبعد150كلم
>>بتقولون وش دخلنا وليش ههههه بقولكم بعد شوي

دورتي منتظمه وغير منتظمه هههه..
يعني ماادري والله كيف اسميها ؟!؟
وانا اتوقع لخبطتها بسبب كثرة السفر كما سمعت فلا يمر اسبوعان بالكثير الا واانا مسافره
زي ماقلت فوق وكل خميس وجمعه احيانا ً

فسبب سردي لظروف سكنا والسفر لاستفسر ان كان له دور في لخبطة دورتي وتأخر حملي ..!؟

المهم يااخواتي ..

دورتي قبل الزواج ماأذكرها كيف كانت الي اذكر كانت تجيني كل شهر والحمد لله
واذا تأخرت عن موعدها يمكن 5 ايام او تقدم 5 ايام هيكـ !!

بعد الزواج ..
اول دورتين بعد الزواج أتاخرووو كثثير لدرجة اني حسبت انو فيه حمل وطلع مافي
يمكن زادت مدتها عن الـ 40 يوم مدري ليش بعدها استقرت شووي

وهذي آخر 4 دورات جتني >>الي اتذكر ههه
>>بالميلادي .

1/11/2009
2/12/2010
26/12/ 1010 >>اول مره تقدم كذا !؟!؟
29/1/2010

واليوم التاريخ 16
يعني تقريباً في ايام التبويض

رحت الثلاثاء الي فات لدكتوره على اساس عندي حرقان وافرازات غريبه طلع عندي التهاب متوسط
كشفت علي وخذت عينه وسألتني اذا ابي اسوي شي لتأخر الحمل
وعملت لي اشعة تلفزيون اظن اسمها سونار وقالت بتسوي متابعة تبويض .!؟!
وعطتني تحميلات اسمها Gyno-Mikozal 400mg
فيها 3 تحميلات استخدمتهم بالليل قبل انام ولما اصحى الصبح يطلعون سايلات ؟!؟
سألت الدكتوره تقول طبيعي ..!!
وعطتني غسول بيتادين استخدمه مرتين باليوم ..
بس ماعرفت كيف استخدمه الصيدلي يقول دش مهبلي وانا انحرجت اسأل أحد
استخدمته على كيفي ..
بس بعد مارحت السبت لها سوت اشعه مره ثانيه وشفت البويضه بالتلفزييون وقالت طولها 14 سم
انا قلت لها مابي الا تتأكدين اذا فيه مانع يمنع الحمل اذا كل شي طبيبعي مابي شي .
بس مدري اذا فهمتني أو لا !؟!؟
المهم بعد ماشافت نتيجة التحليل حق الالتهاlب عطتني نوعين مضاد حيوي كل 12 ساعه
واحد اسمه flagy l500mgوالثاني Tarivid 200mg

واليوم لي موعد بعد المغرب وانا مواظبه على المضادات
بس البيتادين للحين محتاره فيه خصوصاً بعد ماسألت الصيدلاني وعطاني شي غريب يقول خاصه للبيتادين
كانها علبه بيضاء تنضغط وفيه شي يدخل لداخل المهبل بس خايفه تكون ضاره ومدري
انا استخدمها بس ماادخلها مره بس شوي ..
اسمها : Makida :Vaginal douche

انا بصراحه احياناً ودي احمل واحياناً ماودي لين اخلص دراستي بالكلية
والله يكتب الي فيه الخير

سؤالي وش فايدة المتابعة حقت التبويض ؟؟!!
وبالنظر لحالتي برأيكم وش الي يؤخر الحمل وهل طبيعي اني ماحملت للحين؟؟؟..
ودروتي هل هي طبيعية .؟!؟!
خصوصاً ان قريباتي تزوجوا بعدي وحملوا كلهم إلا أنا
والكل يسألني اذا حملت وانا تعبت من اسئلتهم وطفششششت ابلشوووني حتى دراسه ماصرت أدرس مثل اول ونزل مستواي .!!
ولا زوجي عادي يقول ماعنده مشكله المشكله باهله والناس الي كل شهر يسألوني بطريقة مباشره وغير مباشره ..!؟!؟

ومشكورين على وقتكم في قراءة قصة حياتي هههه
وجزاكم الله عني خير الجزاء سواءً الي يردون أو الي يطلعون ..

أختكم :: ساكورا تشان