باختصار أكرهه ...((مستجدات الرد 28))
الســلام عليكم ورحمة الله
بقول لكم سالفتي وابغى اعرف وش اسوي والله حايره
وماابغى احد يستهزأ بكلامي ولا يقول كلام يجرحني لأني من جد اعااااني
انا متزوجه من سنه و5 شهور وعندي بنوته امووووت فيها
نرجع لورا شوي قبل الزواج
كنت دايم انخطب وماتتم الخطبه مع ان ماناقصني شي ولله الحمد..لازم يصر شي يخرب السالفه...بالاضافه للاحلام السخيفه واحساسي ان في احد جنبي لاجيت انام هذا غير احلامي بان احد يجامعني وكلهم من المحارم ابوي واخواني قسم بالله اجلس من النوم اصيح صرت اكره النوم ماابغى انااااام ومااحب اجلس مع اخواني ....
لما استفسرت من عند شيخ قال لي انتي فيك قرين عاشقك ومايخلي اي رجال يقرب منك وفعلا
كنت بالدوام بالذات الرجال مااااايطيقوني مع اني ماسويت لهم شي ماشيه بحالي بس دايم مديري يهزأني مع انه يقول انتي شغلك مافي منه ومحترمه بس مدري ليه اهزأك وبقيمك ضعيف ...
وبديت قرآن ومدري وشو الى ان حلمت ان في شخص يبغى يجيني ومو قادر
وبعدها انا من نفسي وقفت الرقيه لأني انخطبت وتمت الخطبه ولله الحمد ...
صارت الشوفه الشرعيه وكنت مقتنعه فيه وكل شي ...لكن في شي يقول لي لاتاخذينه لكن اخذته
ماابغى اعنس صار عمري 24 وخصوصا ان كل اللي حولي اصغر مني وتزوجو ...
زوجي حبيب ويحب الهذره واجتماعي وطيوب وبالعكس مااذمه ابد
يعني اكيد في اشياء موعاجبتني فيه لكن حاجات تافهه المفروض اني اتغاضاها لكن انا اعترف اني حقيره
من ايام الخطوبه وانا اتململ اذا جا لي ومااحب يجلس معي كثير وودي يطلع
تزوجت ...
وبالعكس سافرنا شهر عسل من احلى مايكون لكن انا مايعجبني العجب..
جيت من شهر العسل وانا اكررررررررررررررررررررررررررررررررررهه مو طايقه ريحته ولا رقعة وجهه
وقلت لاهلي ابغى اتطلق .... حزتها شكت اختي اناي حامل وبالفعل طلعت حامل
حملي كان صععععب واكتئاااااااااااااب وابد ابد مااطيق حتى اسم زوجي ...
رحمه من ربي انه يشتغل بمنطقه ثانيه حاول ينقل بس ماربي كتب
قلت اكيد من الحمل ......
ولدت وجبت بنتي وانا بعدني على حطتي اكرهه مدري ليه
والله والله اتعذب غصبا عني ...
يعني مااقول مثلا انه مو وسيم والا مو نظيف بالعكس وسيم ماشاء الله وعطورات وكشيخ وانيق وكل شي
بس انا مدري شفيني ...
قلت لامي يمه احس اني مب طبيعيه فيني بلا الرجال مااطيييييييييييقه قالت مافيتس الاالعافيه يتهيا لك
دلع بنات ومدري وشو ...
قلت يمكن دلع بنات بعطي نفسي فرصه
قمت اسوي ليالي رومنسيه واحجز بشاليهات افاجأه وارسل له ورد بمنطقته وهو يستانس
ألبس واتكشخ وماااااااااااااااطيق يقرب مني .... لايقرب مني
انقرررررف ....وععععععع .... تجيني قشعريره ....
مااكذب عليكم
مااخليه يقرب واذا قرب مااتجاوب لاني انقرف
اذا راح ... اصيح اقول اذا جا بسوي له كذا وكذا انا قاسيه انا مااستاهله وبس يجي مااطيقه وودي يخلص الويكند بسرعه ...
احلى شي عندي بالويكند اذا طلع لربعه ودي انه مايرجع
ويجيني اكتئاب اذا قرب الويكند لاني بشوفه
تصدقون ...
حتى اذا جا مااحب اطالع وجهه ... مدري اذا كان مغير الحلقه والا مسوي سكسوكه والا ديرتي مااحب اطالع
واغلب حياتنا سكوت ... ماارد ولا اعلق على كلامه لاني احس ان كل كلامه تاااااااااااااافه مايعرف يتكلم
واذا تكلم ودي اني اقول له اسكككككككككككت لاتتكلم تعور راسي
حتى اذا جا بالويكند ومثلا قال لي وانتي واقفه الله يعافيك جيبي لي مويه اعطيه المويه وانا اتحلطم
((افففففف يحسبني خدامه عنده والا ماعنده رجول يقوم يخدم نفسه ؟؟؟؟؟ ))
بوسط الاسبوع اذا دق ماارفع ماابغى اسمع صوته ....
مره زعل وراح ولادق علي ...... افتكيت من اتصالاته
ثلاث اسابيع ظل زعلان .... وربي اني كنت فرحااااااااااانه مدري ليه ....
وبعدين تراضينا
والحين بعد زعل وراح وهو زعلان وماافكر اتصل عليه ولا ابغى ادق عليه ومايهمني حتى لو يصير له حادث ويموت
احيانا افكر ...
ليه مااااااااااااااااااااايموووووووووووووووت ويريحني ...
ادري بتقولون حقيره ونذله وكل شي
بس والله احس اني مو طبيعيه وربي مدري شصاير
وصارت الحين فكرة الطلاق ببالي بس ماابغى اصير مطلقه .... لو يموت احسن علشان مااصير انا السبب
قسم بالله اتعذب ....
ارجوكم ساعدوني
اللي قالت لي عين لأن الكل تكلم يوم خطبني واني محظوظه وكذا
واللي قالت شكله بعده القرين اللي عاشقك ماراح
واللي قالت طبيعي علشان هو بعيد عنك ومابعد تتعودون على بعض ولا عشتو مع بعض
واللي قالت يمكن نفس علشان في واحد كان قبل لااتزوج يبغاني وماصار نصيب تقول لان نفسه للحين فيك
واللي قالت يمكن انتي مريضه نفسيا
واللي قالت انتي مغروره وحقيره وماتستاهلينه ......
بديت اصدق الاخيره
اقتنعت بكلامها اني حقييييره وغبيه
احاول اتغير ومو قااااااااااااااااادره
دلوني .... احس اني امووووت بالبطئ وكاسر خااااااااااطري بس اكرهه
الله يخليكم بلا تجريح
التعديل الأخير تم بواسطة daimound22 ; 06-03-2010 الساعة 12:05 AM
السبب: اضافه المستجدات ،،،،