ولو قلت عن صدقات الجامعة حقيقا ماقدرت أكون لأني ببساطة أنصدمت بالواقع والتساهل في المجتمع اللى أدرس فيه وخاصا أني درست بالفلوس"موازي" يعني من جد طبقة كل شيء عندها مسموح تقريبا لدرجة أن أستاذة الثقافة الإسلامية تقولي شيماء بالله كيف أنتي جالسة تدرسي معاهم وكيف مستحمله الوضع ....حتى بنات بشري "الطب اللى بدون فلوس" مايطيقوا بنات الموازي أبدا وأنا يقولولي أنتي غير عنهم حاولي تجي عندنا ...والحمد الله لنا كم سنة كلنا مع بعض فقدرت أكون علاقات واسعة بكل المراحل وعندي زميلات وصحبات لكن هناك فرق بين الزميلة والصحبة والصديقة صح ...
وماأعرف السبب ليش إلى الآن لم أستطيع تكوين صدقات في الجامعة ؟! هل خوف من الخسارة لأني مرره أتعالق بالآخرين وبالأشياء؟! هل لأن لدي أمور معينة أبحث عنها في الصديقة ولم أجدها ،لم أجد من تشاركني أفكاري وتطلعاتي ونظرتي للحياة والأهم من تعينني واصبر نفسي معها على الطريق المستقيم ؟! هل الصداقة هو الإنسان يسعى لتكوينها وهناك خطوات حتى يحصل على صديق أو أنها أصلا هي تجيء كذا والقدر يجمعهما ؟؟! بالرغم إني قرأت في كتب عن الصداقة والعلاقات بين البشر ومازلت أطبقها ولله الحمد ..
~*~
أما بالنسبة لأهلي وقريباتي ياسبحان الله كل ماأتصاحب مع وحده فيهم وتكون علاقتي حلوة معاها تتزوج وتأخذها الحياة عني وبعضهم يتركوني ويتصاحبوا مع ماما خلاص كبروا يعني ..
وبصفة عامة أحس المشاعر بين أفراد عائلتنا تغيرت ، على قد ما أقدر بأصل رحمي وأتصل وأرسل رسائل لكن برضوا بدون ماهم اللى يبتدؤا الإتصال ولما أكون أنا متصلة يتأسفوا أنهم مايتواصوا معايا وبعدين قالك يرجعوا يتصلوا أو يسألوا ولا شيء وتمر الإيام والشهور وكذا الحال..
~*~
هذا حالي بالمجمل ..
والحمد الله على كل حال
تعرفوا أنا لما أشتكي لأحد يخاصمني يقولي نحن نشتكي لك أنتي تحلي مشاكلنا أنت تخلينا نشوف الدنيا أحلى أنت وأنت وجاية تقولي هذا الكلام ..
ولا كأنني بشر بحاجة وبحاجة وبحاجة ..
صعبة الإنسان لما يعطي ولايحصل مين يعطيه ..
بالرغم والله ماأبغى لأن يكفيني عطاء رب العالمين ..
بس ساعات يوصل رصيدي صفر ولاأجد ماأشحن منه ..
سوى سويعات أختلي فيها مع نفسي وأساعد نفسي بنفسي بصلاة والدعاة ومنجاة ربي..
ماأدري كم نفسي راح تصبر علي كمان هيا ...
~*~
أطلت عليكم الحديث السموحة ...
إذا في أي استفسار وتوضيح لأن أحس كتبت وفي داخلي المزيد ..والله المستعان
وشكرا جزيلا لأنكم قرأتوا فضفضاتي وكلماتي المبعثرة من صفحات حياتي ..