مهما كنـا نمثل القوه .. ومهما كنا نبعث الأمل لأهلنا وصديقاتنا ..
بالعكس الأنسـان يحتاج لشخص قريب منه ولقلبـه يحس فيه وبهمومه ويشاركه كل افراحه ومشاكله ..
فعلا بس وينه ؟!! الله المستعان..
اللى حولي مايبغوني أضعف حتى أكون قادرة أعطيهم بأي وقت ومستعدة لأجل أقويهم وكذا ..
سبحان الله أنا ماكتبت هذا الجزء إلا لأني كذا مرره أمر بهذا الشيء وأقرب شيء أمس قبل ماأنزل الموضوع مع بنت عمي على المسن ..
تعرفي قبل كم اسبوع سافرت أختي لأهلنا لأنها خلصت إختباراتها من بدري وأنا لأن نظامي غير فكان عندي دوام إلى يوم الأربعاء بإنتهاء المدرسة المهم كان أخوي يبغى يجي يجلس معايا بس بابا مارضي ولما أتصلت عليه علشان أقوله أنا ماأبغى أجلس لوحدي ماأحب أجلس لوحدي أبغى أخوي يجلس معايا وكذا ..
للأسف أيش كان رده ..
من متى أسمع هذا الكلام ؟
وأيش لوحدي وأيش هذا الكلام ؟
طبعاً لازم يصرفني لأنه ماعنده جواب مقنع بالمنع
قالي يلا مع السلامة يلا بعدين اتصل عليك ..
طبعاً عارفته أنه ماراح يتصل وماراح يخلي أخوي يجيني لأنه مافي أحد يحس بيا ..
خلاص خلاني أبكي وأنقهر في نفسي ..
بس الحمد الله أنه هذا الشيء عدى وصار من الأمس .
عشـان كذا .. ماراح الومك عشانك ساعدتي الناس او وقفتي معاهم بالعكس راح احثك واشجعك واقويـك بعد ~
يكفي الأجر الي راح يجي من هالسعـي ..
جزاكِ الله خير على التشجيع ..
انا عشت مرحله مثل الي صارلك:
كنت اسمع شكاووووووي وهموم الناس كل شوي وحده ترفع علي سماعه وهاتك شكووى من زوجها واهل زوجها ومن عيالها
وانا بس علي انصح هذي واهدي بهذي .. هذا كله غير مشاكلك الشخصيه واهلك ~
بجـد شي تعب .. بس ماعليـه ربي ان شاءالله بيعوض صبرنا خير ..
ويعوضك يالغلا ..
وإياكِ يارب ..
أذكر كلام للدكتور الثويني في برنامجه المراهق المبدع أننا المفروض في ذاك الوقت من المراهقة مانسمع أي مشاكل لأننا ليسنا في مرحلة نستطيع أن نحل مشاكل الأخرين نحن في مرحلة بناء وليس اصلاح وكل اللى نحتاجة أن نسمع نقرأ المشاكل المحلولة لكي نستفيد منها ..
كنت أسمع هذا الكلام وأقول ياريت ماأحد يقولي أي مشكلة لأنها كانت تأثر في خاصة مشاكل ماما وبابا لما يخلوني حكم بينهم الله المستعان ...
( ونصيحة لاتخلوا أولادكم يعرفوا مشاكلكم مهما كانت ظاهرة لهم وتجعلوهم مكان لأجل الفضفضة لأنكم بتحملهم هم وحزن ماالله عليم به )
شوفي من الآن اقولك صديقات زي اول مافيـه .. الآن مالك غير اهلك ..
صحيح صداقات حقيقة تعينك على طاعة الله نادر ماتحصليها ولازم تبحثي عنها وأنا مازلت أبحث ومازلت أدعوا الله التوفيق والسداد سبحان الله كل واحد نفسي نفسي في هذا الزمن..
بس وينهم أهلي ياريت يشاكوني ياريت يحسوا فيا ..
تعرفي ماما علشان أحس أنها تفكر فينا وتهتم فينا أدور على حاجة مادية تشتريها لينا ..
حتى أذكر أني مرره كتبت خاطرة أني اشتري حبك وحنانك بالفلوس لأجل أكذب على نفسي وأقول أيوه خذيت ..
بس مايمنع اني اكـون علاقات زماله طيبه .. واتعرف على بنـات الدفعه .. يعني اكون اجتماعيه والكل يحب جلستي
بهالوقت الناس مايحبو الشخص الي كله هموم وتعب .. تلاقينهم ينفرون منه
وكل واحد يقول بقلبـه { يووووووووووه يادوبنا بمشاكلنا ويجي احد ينكد علينا }
عشـان كذا اذا انا ماقدرت اكون صداقات .. اكون مجتمع يحبني واحبـه ..
يدورون جلستي وسوالفي وضحكي .. فاهمه يادكتـوووره !
صدقتي ،،،
وأنا ماأبغى صداقة بس لأجل أفضفض لها أو علشان تشيل همومي ، على همومي ومشاكلي أنا شيلها سنين لوحدي وعادي والحمد الله بتعدي الأيام وبتوفيق من الله بييسير حلها سبحان الله ..
وأنا كذا أعمل في كل مكان عندي ولله الحمد زميلات وصحبات وكذا وقررت أستمتع بذلك وأشوفها أنها ثروة وكمان تملي فراغ واحتياج للبشر حولي وإن كانوا ماهم حاسين فيا اضحك وأنا في داخلي كم غصة وغصة ..
ومثل مايقولون { مالك غير خشمك ولو كان عوج } .. يعني مالنا بالنهايـه غير اهلناااااااااااااااااا
عادي صارحي امـك انتي تقربي منها حاولي تكسرين هالحاجز الي بينكم
مامتي صارحتها في كل شيء يعني خطيت هذه الخطوة والحمد الله ووصلت لها أن الفلوس ماهي كل شيء والأمور أفضل بكثير من أول ولله الحمد إلا التواصل الجسدي ..
تعرفي يمكن هذا الشيء أعتبره فضيحة بس خليني أوصلكم لدرجة أيش ..
تعرفي السلام والمصافحة وتقبيل اليد اللى مفروض تكون كل يوم نحن بس إذا جينا من السفر ورحنا ويكون قليل يكون بارد بدون أي مشاعر "طبعاً كمان لاألومها إذا هذا الوضع راضية فيه لأن ستو الله يصلحها ماعندها هذا الكلام أبداً ولاأحد يقرب منها وإذا تجرأت وقربت تخجلك وتعطيكِ يدها فهم تعودوا كذا من بلدهم " أمور الناس عجيبة
وحتى العيد موشرط نعيدي ونسلم على بعض ماعندنا هذ الكلام يعني مافي مشاعر وسبحان الله ونروح نعيد الناس لكن أفراد العائلة فيما بينهم لا ..
بس بابا لما يبغانا نسلم عليه ونقبل يده يجيء بنفسه وكذا عودنا من نحن صغار ..
اختك اسهري معاها .. حاولي انك تشوفين قد ماتقدرين تقدرين تشوفين نقاط مشتركه بينكم ..
بأسهر معها لكنها في عالمها الخاص .. ماتحب أحد يقرب منها تقول ماتخلوني أعرف ألعب على البلياردوا ولاأتكلم على المسن حاولت أقرب قد المستطاع واشاركها لكن مافي فايدة ..
قلت خليني بعيده وأكلمها وأدردش معاها ولأن الأغاني في أذنها ساعات أكتشف أنها تهز برأسها وتقول أيوه وهي أصلا ماهي سمعتني وفي نهاية الهرجة تقفل الأغاني وتقولي أيش صار عيدي لما تشوفني خلاص بدأت ملامح وجهي تتغير وأقرب شيء حصل هذا أمس وخلتني أبكي والله بس مسكت نفسي قلت مايستاهل الموضوع عادي ..
لأني للأسف أنا لي اهتمامات تختلف عن العائلة ودائما ماما تقولهم احترموا رغبتها ماتبغى تسمع أغاني ، اتركوا لها فرصة تشوف قنواتها وكذا ،،
إذا الكبير مايحترم وأنتم افهموها تبغوا أخواتي وأخواني يسمعوا الكلام ويحترموني عادي يعني تعودت ..
أصلا شايفين أن اللى أسويه تفاهة في تفاهة ماتتخيلوا إلى أي درجة ..
لو أمس كتاب أقرأ فيه وأنا دائماً في يدي شيء يشغلني حتى في البحر يقولي بابا وهذا وقته كل اللى تقرأيه كلام في كلام ومافيه أي فايدة ..
مادري كم فارق العمر الي بينكم ؟
أنا طبعاً البكر وهي أصغر مني بسنة بس ..
وغير كذا !!
انتي اشغلي وقتك بعد .. يعني مايحتاج مااشاءالله قسمك اتوووقع ان ثلاث ارباع يومك بـزي وش تقولين عالأقسـام السهله !!
تعرفي هي المسألة ماهي شغلة وقت ، أنا صحيح الطب أخذ وقتي لكن لأني لي حياتي ولي نفسي ولازم أعطي لكل شيء حقه ..
وإذا ماأعطيت لكل شيء وقت ماكنت شفتيني جالسه معاكم ..
أنا صحيح جالسة أدخل أشياء جديدة في حياتي وبحاول وربي ييسير ..
لي عوده عشـان اطمن على قلبـك ~
::