بسم الله الرحمن الرحيم
اول مره اكتب في دا القسم
المشكله لصديقتى العزيزة جدااااا متزوجه وعندها 3 ابناء وحامل زوجها يشك فيها وكل مره يدخل فيها البيت يفتش ويبحث في كل شي وفي الاخر مايلاقي شي وهى اصلا مو عارفه يبحث عن ايش غير الضرب والاهانة منو ومايبغاها تسوي ولا تلمس اي شي في بيتها يبغاها تربي اولادها وبس
كانت من ايام الدراسه تشتكى منو ومن اهلو ودايما كنت انصحها تصبر واقولها ان شاء الله يتعدل
كان يتعالج عند كذا شيخ بعضهم قالوا سحر وبعضهم قالوا سحر
الان حالوا زااد مره كلمتها من شويه وكانت تبكي مسكينة من زوجها يقولها يبا يتزوج ويخليها تربي اولادها واذا تبا تطلق تدفع مهر وذهب الا جابلها هو اكتر من 100 الف عارف انو ماعندها احد غير اخوانها وابوها اتوفى من فترة
واكتشفت من فتره انو يكلم واحده عن طريق الجوال من طرف صاحبوا ووجهتوا وصارت مشكله
طلعت من شغلها لانوا ياخد راتبها وهو مو محتاج عندوا راتب وارض وكل شي تقول حالتوا المادية كويسه بس يفترى فيها
قلتلها اجلسي معاها ونقاشي بهدوء شوفي ليش متغير قالتلى ناقشت كثير وكل مره يقولها بس كده مايبرر اي سبب يقولها انتى مافيكي شي بس انا كده
الان نصحتها تردد استغفر الله وتدعى الله انو يهدي ويصلح حالها
ايش نصايحكم والله انها تحزن