منتدى عالم الأسرة والمجتمع - عرض مشاركة واحدة - معاً نحو الرشاقة ....الجزء الثاني (2)

23-02-2010, 02:09 AM

#804

(أم جمانة)

كبار شخصيات المنتدى

تاريخ التسجيل: May 2004

المشاركات: 5,678

اقتباس:

المشاركة الأصلية كتبت بواسطة sa33

نداء عاجل لأم جمانه
فينك وليه غيبتى عن موضوعنا
عايزة اعرف اخبارك
شكلك كده زوديها فى الأجازة عشان كده خايفه تدخلى ومختفيه

احم احم احم

أنا هنا

بدخل كل فترة على السريع اطمأن عليكم واطلع

لاني انشغلت جدااااا جدااااا حتى مشاركاتي قلت كثيييييير

الحمد لله رب العالمين أبشرك أخباري مفرحة جداااا<<<<< من اللي بيشتغلوا من تحت لتحت

مع اني مو عارفة كم نقصت لكن مو لازم أهم شيء باين على مظهري

امس سجدت لله شكر لما قست فستان عندي من زماااان في الدولاب مو راضية افرط فيه لانه هدية من زوجي وصار ضيق عليّ ومااقدر البسه

وكل فترة أقيسه وماينقفل

وأمس الحمد لله وأخيراااااا انقفل:14:

واشترت اختي لي تنورة هدية كانت عاجباني وسألتني عن القياس فقلت لها بعد النحف صرت 12 بس لان التنور:14:ة جينز استريتش طلعت كبيرة
رحت رجعتها واخذت مقاس 8

وطلعت مزبوطة

واليوم اخذت لبس من بنتي وطلع مزبوط

والحمد لله رب العالمين ومازلت أحتاج تكة وحدة وخلاص بالرغم من معارضة زوجي

وطمنيني عنك ياأم عمار كيف صحتك الأن وعقبال الكيلو الأخير وترتاحي
وربي يسعدك ماننسى وقفتك معانا أبدااااااااااا ولاتشجيعك ولاتعبك
ويارب يرزقك في الدنيا فوق ماتأملين وفي الأخرة مالم يخطر على قلوب العالمين

دودي يافالحة وزنك كان كالعادة 113 وتنقصي لــ 108 وبعدها ترجعي لعادتك
أنا زعلانة منك ومقاطعتك ولاراح أشجعك

بنت مكة ألف سلامة على الوالدة ماتشوف شر وربي يخليها لكم وتفرح بكم
أنا كنت منتظرة تروحي تقيسي وتبشرينا
بس مو مهم أهم شيء استمري مثل ماتفقنا أننا نجعله أسلوب حياتنا مو بس أيام معدودة وهذا اللي أنا متبعته بفضل الله.

هيا يابنات قبل كذا نزلت من النادي وتخرجت عضوتين تقريبا على مااذكر بعد ماوصلوا للرشاقة المطلوبة

والان أم عمار وأنا بنخرج من النادي قريبا بفضل الله

شدوا حيلكم علشان تخرجوا من النادي ويستمر كل فترة بأعضاء جدد ويتخرجوا ويجوا بدالهم ويتخرجوا

وهكذا تستمر مسيرة الموضوع نحو الرشاقة بحول الله

__________________