ما اعرف كيف اتعامل مع شخص بخيل ويدقق
بالمصاريف زيادة عن اللزوم ..
ولكن بالدرجة الاولى انصحك بالدعاء
بان الله يهديه ويسخره لك
ضروري هالشي لان كل شي بارادة
ربي ولازم بكل امر نستعين بالله ..
وانتي من جهة ثانية جاريه
ووضحي له ان السفرة بس خمس ايام
او اسبوع وراح تسكنون شقق لانها ارخص
وما راح تتسوقون وراح تكون لكم
ميزانية صرف محدودة يوميا
ولو تخلون الاطفال وتسافرون لحالكم
احسن واوفر لكم من ناحية المصاريف
هذي افكار ..
اسلوب تقديم هالافكار مهم ..
ركزي معي هنا .. تكلمي معه بالبداية بشكل غير
مباشر .. قولي له مثلا زميلتي
فلانة سافرت بالوقت الفلاني
للدولة الفلانية وما كلفت عليهم غير
كذا وانهم اخذو شقق حلوة ونظيفة
مو غالية .. ومررة انبسطو ..
قولي انا حبيت فكرتها انهم اخذو
شقق لانها اوفر بالمصاريف .
وبعد فترة قولي زميلتي فلانة سافرت
المكان الفلاني وتعبو عليها عيالها
مو متعودين على الجو .. انا شخصيا
اشوف ان الاطفال ما ينفعون بالسفر
وسفر الزوجين مع بعض لحالهم
فيه تجديد للمشاعر بينهم هذا غير انه
اوفر لهم من ناحية الميزانية
وان شاء الله يكون لنا انا وانت سفرة
لحالنا مع بعض .. وش رايك عزيزي ؟
اذا وافق فانتي تقريبا قربتي من الهدف
وطبعا معاملتك لازم تكون احسن واحلا
عشان يتقبل منك الكلام .. وبنفس الوقت
من خلال الكلام الي فوق توضحين له
انك تحاسبين على فلوسه وماتحبين تضيعينها
وان شاء الله ربي يهديه
ويسخره لك ..
__________________
شتان .. بين من تسيره مبادئه ، ومن تسيره مصالحه
التعديل الأخير تم بواسطة روعة المعنى ; 23-02-2010 الساعة 11:07 AM