السلام عليكم

حبيت افضفض لكم عن مشكلتي اللي متعبتني ومضايقتني ليل ونهار .. انا عمري 18 وترتيبي الثانيه بين اخواني .. ابوي قبل كان يدلعني ومن يجي البيت يصير يناادي باسم الدلع حقي واذا مضايقه يجلس يكلمني بالساعات ويغير من نفسيتي وكان على طول يمزح معاي ومع اخواني اللي اصغر مني .. بس أنا اكثر شي يعتمد علي ويجلس يتكلم معاي عن ايام قبل ويخليني اسجل الامور الخاصه في شغله من حسابات وغيره لانه على حسب قوله اني نفس شخصيته ونفس تفكيره .. اختي اللي اكبر مني بسنتين كان مايكلمها وايد يستحي منها بس كان يحبها يعني هو صحيح مايكلمها بس وايد يحبها .. من حوالي شهر اختي صادها وسواس وامي تعبت وهي تكلمها فقالت لابوي ترى بنتك جذي وجذي .. ابوي راح وكلمها والحين على طول يكلمها .. انا ماعاد يهتم فيني مثل اول .. جلست اسبووع وقت نومي متخربط (( انام العصر واقعد المغرب )) ماجافني اسبوع تخيلوا ماسأل علي .. ساعات انا في داري راقده اسمع صوته من يدخل البيت (( فلانه فلانه )) ينادي اختي العوده .. انا يجوفني قاعده مضايقه مايسألني اشفيج !!!!!1 اهي لين يحس انها متغيره يسألها اشفيج! ويرد يدش لها دارها غير الاتصالات .. بتقولون مريضه !! اهي الحين مافيها شي الوسواس مرض وعدى ..

المشكله :
والله اني اتقطع من الغيره وصرت احس روحي منبوذه ومحد يحبني لاني قبل كان حب ابوي لي واايد مخليني مرتاحه واحس روحي متميزه عن الكل في هالابو .. ابي افهمه ان التفرقه مو زينه بس مو عارفه !!

يمكن لانه اختي قريب بتنخطب وحاس انه بيفقدها !!

ابي ابوووووووووووي يحبني مثل قبل ويدلعني .. ابيه يعطيني اهميه

شسووووي ؟؟ انزين حتى لو مااقدر اخليه يحبني .. شلون اخفف غيره !

ادري طولت عليكم واذا عندكم سؤال سألوني وبجاوبكم وسوري على الكلام الغير منسق لانه كتبته من غير حواس وتركيز