المشاركة الأصلية كتبت بواسطة روعـــــــة
ياستي إذا ماتبغى تواجهيها وجه لوجه إعملي زي ماقالوا الإخوان والأخوات
إرسلي لها إيميل ..على الأقل خوفيها ..قولي إنك هكرز وإنك دخلتي على جهازها ووجدتي إنها تحدث رجل في الشات
وقولي لها إنك بتفضحيها وإنك تعرفي عنها معلومات ..وإنك فاعل خير لاتقولي إنك فاعلة خير
شوفي أقولك حكايه أختي هكرز ..تقدرتدخل على أجهزه الناس ورب البيت مره دخلت على إمرأه راقبتها ولقيتها
خاينه وعندها بلاوي بالنت وحذرتها من المشي في طريق الشيطان كلمتها على المسنجر بعد مده طلبتها مايك
وكلمتها وقالت لها أنا بنت وإسمي فلانه وإنتي تعملي وتعملي ..المهم خوفتها وربي بطلت الحرمه كلام مع الرجال
ووعدت أختي وأصلاً خافت حتى تدخل نت
أنا ماأقولك منجد هكري ..لأنها دي شغلانه طويله ولازم يكون الهكرز هو اللي يعملها ببرامج معينه
إنتي بس ارسلي لها إيميل وحطي أي إسم على إنك هكرز
وتشوفي لو عندها شئ ممكن تخاف وتبطل على الأقل إدفعي شئ بسيط من مشكله ممكن تصير أو فضيحه ممكن تحصل
لاسمح الله ..إنتي بتستني يوقع الفأس بالرأس لاقدر الله ..نحن ماقلنا لك إتهمني زوجة أخيكِ مباشرة لاوربي حرام
لكن خليها تخاف ..ولاتكوني كمن يسكت عن الحق فهو شيطان أخرس
وبنت أخوكي راح يبقى الموضوع برأسها إلى أن تكبر ..أتذكر وحده من بنات قريباتي مراهقه عمرها 15 سنه
شفتها مره تدخل شات ..قلت لها فلانه ليه تدخلي شات ..قالت زي ماما ..قالت أمي تدخل شات لما بابا يطلع من البيت
هي وصديقاتها ..ماما على جهازها ..وصديقاتها على جهاز بابا ..والله قلت لأمها ..أمها خافت على بنتها وبطلت تدخل
شات وحرمته على نفسها
ومنعت بنتها من الدخول ..البنت كانت تعمل هالشئ تقليد لأمها ..يعني ترضي لاسمح الله إنو بنتها تعمل زي أمها
أوحتى بنتك تعمل كدا وتقول أنا بأعمل زي مرت خالي
والله المستعان بس
|